Tags-Dil

haañ kis ke pā-e-dil meñ hai zanjīr-e-āb-o-gil
kah do ki dām-e-zulf meñ aa.e hue haiñ ham

dil meñ mahak rahe haiñ kisī aarzū ke phuul
palkoñ pe khilne vaale haiñ shāyad lahū ke phuul

ahd-e-vafā kī laaj to dekho
shaah ke dil par raaj to dekho

log patthar ke the fariyād kahāñ tak karte
dil ke vīrāne ham ābād kahāñ tak karte

ab tak āñkhoñ se Tapaktā hai lahū
bujh gayā thā dil meñ ḳhār-e-ārzū

dard-e-dil pahle to vo sunte na the
ab ye kahte haiñ zarā āvāz se

dil-dādgān-e-bādiya-e-sarsar-o-sumūm
shahzādgān-e-mulk-e-nasīm-o-sabā hue

yaksāni-e-hayāt se ghabrā gayā hai dil
muddat guzar ga.ī koī tūfāñ bapā hue

dekh to dil ki jaañ se uThtā hai
ye dhuāñ sā kahāñ se uThtā hai

gor kis diljale kī hai ye falak
shola ik sub.h yaañ se uThtā hai

ḳhāna-e-dil se zīnhār na jā
koī aise makāñ se uThtā hai

ye jiinā kyā ye marnā kyā kuchh bhī to hamāre bas meñ nahīñ
ik jaal bichhā hai ḳhvāhish kā aur dil hai ki phailā jaatā hai

dil ko bahlāte haiñ afsāna-e-āzādī se
ham ne ik tauq pahan rakkhā hai zevar kī tarah

kahegā dil to maiñ patthar ke paañv chūmūñgā
zamāna laakh kare aa ke sañgsār mujhe

dil ko chashm-e-yār ne jab jām-e-mai apnā diyā
un se ḳhush ho kar liyā aur kah ke bismillāh piyā

dil chhupā baiThā to us zulf-e-musalsal se 'nazīr'
ai asīr-e-dām-e-nā-fahmī ye tū ne kyā kiyā

kabhī dāmān-o-girebāñ se ulajhte rahe haath
dard-e-dil ne kabhī masrūf duā ne rakkhā

churā leñ jis ko duzdīda nigāheñ
ye dil vo dilrubā ḳhānam nahīñ hai

jān-o-dil se bhī guzar jā.eñge
agar aisā hī ḳhafā kījiyegā