Tags-Dil

Duub jaatā hai sar-e-shām hamārā dil bhī
ye bhī sūraj kī tarah raat kā zindānī hai

dekhī hī na thī jis ne shikast aaj tak apnī
vo chashm-e-fusūñ-ḳhez bhī dil haar chalī hai

havā kī talvār chal rahī ho to shāḳh-e-ummīd kyā sambhāleñ
badan kī dīvār gir rahī ho to dil kī dīvār kyā bachā.eñ

jis kī āñkhoñ meñ koī rañg-e-shanāsā.ī na thā
us se milne kā mirā dil bhī tamannā.ī na thā

ham dayār-e-ġhair meñ kahte rahe haiñ dil kī baat
ek apne shahr hī meñ izn-e-goyā.ī na thā

jazba-e-dil ke bahak jaane se rusvā ho ga.e
kūcha-e-mahbūb varna kū-rusvā.ī na thā

terī be-mehrī na thī kotāhī-e-qismat bhī thī
kār-zār-e-dil meñ varna shauq-e-paspā.ī na thā

mujh paas kabhī vo qad-e-shamshād na aayā
is ghar mane vo dil-bar-e-ustād na aayā

sāñjh aa.ī diyo din bī huā fikr meñ āḳhir
vo dil-bar-e-jādū-gar-o-sayyād na aayā

phir se kah de ki tirī manzil-e-shauq
merā dil hai mirī sūrat to nahīñ

dil le ke lauñDe dillī ke kab kā pachā ga.e
ab un se khaa.ī pī huī shai kiyā vasūl ho

āsār-e-rihā.ī haiñ ye dil bol rahā hai
sayyād sitamgar mire par khol rahā hai

ek aise vaqt meñ jab zindagī bhī maut lage
'riyāz' kaun sī sūrat ho dil bahalne kī

sham.a bujh kar rah ga.ī parvāna jal kar rah gayā
yādgār-e-husn-o-ishq ik daaġh dil par rah gayā

iltihāb-o-siz-e-dil haiñ bā.is-e-sailāb-e-ashk
hai azal ke din se garmī rahnumā barsāt kī

hanūz dard-e-judā.ī-e-yār baaqī hai
khaTak rahā thā jo dil meñ vo ḳhaar baaqī hai

zarā sā to dil huuñ magar shoḳh itnā
vahī lan-tarānī sunā chāhtā huuñ

chamak uThe mirī āñkhoñ meñ ashk kī sūrat
jo aag dil meñ hai raushan zabāñ se zāhir ho

chhā.ī huī hai ishq kī phir dil pe be-ḳhudī
phir zindagī ko hosh meñ laa.e hue haiñ ham

haañ kaun pūchhtā hai ḳhushī kā nahufta raaz
phir ġham kā baar dil pe uThā.e hue haiñ ham