Tags-Dil

dil kā Thikānā kyā maiñ batā.ūñ haal na is kā kuchh pūchho
duur karo hogā vo kahīñ galiyoñ meñ aur sa.ī har baabī kī

dil na huā pahle jo bismil loTne se kyā matlab thā
dhuum thī jab ḳhush-bāshiyoñ kī ab shohrat hai betābī kī

rahm hai lāzim tujh ko bhī gulchīñ dil na dukhā tū bulbul kā
nik.hat-e-gul ne us se kashish kī taab na thī betābī kī

vo bārisheñ agarche ab kisī kī ho chukīñ magar
ye mere dil ke rāste hanūz tishna-kām haiñ

bas ki fa.ālummā-yurīd hai aaj
har silah shor englistāñ kā

har ik se dūsre kā rabt us ne toḌ Daalā hai
kisī kā dil kisī ke dil se vābasta nahīñ chhoḌā

āñsuoñ ne ġham ko uryāñ kar diyā hotā magar
dil kī ġhairat ne tabassum ko labāda kar liyā

umr bhar 'āzim' rahegā nashsha-e-ġham kā ḳhumār
aañkh ko paimāna-e-ḳhūñ dil ko baada kar liyā

nikāl saktā nahīñ huuñ maiñ dil se hubb-e-husain
virāsatoñ meñ milī jo ki apnī maañ se mujhe

ajiib chiiz hai ye shauq-e-ārzū-mandī
hayāt miT ke rahī dil ḳharāb ho ke rahā

dil ko qalaq hai tark-e-mohabbat ke baad bhī
ab āsmāñ ko shikva-e-bedād aa gayā

nahīñ ki dil meñ tamannā mire koī bhī nahīñ
magar ye baat kuchh aisī kī guftanī bhī nahīñ

armān nahīñ koī go dil meñ mire lekin
allāh rī majbūrī majbūr-e-tamannā huuñ

ḳhulūs-e-dil kā sila soz aarzū kā guhar
isī guhar 'farīdī' charāġh-e-shām kareñ

Thiik hai ujlī yaad kā rishta apne dil se TuuTā bhī
dariyā dariyā aag ugaltā lekin tum ne dekhā bhī

sāqī-e-bazm tirī mast-nigāhoñ kā asar
dil pe kis vaqt huā thā ye mujhe hosh nahīñ

kisī āseb-zada dil kī sadā hai kyā hai
ye mire saath samundar hai havā hai kyā hai

silvaTeñ ruuh kī aatī haiñ nazar jismoñ par
dil-e-nādāñ ye koī band-e-qabā hai kyā hai

nahīñ dil meñ mire vo qatra-e-ḳhūñ
jis se mizhgāñ huī na ho gul-bāz

urdu zabāñ hamārī
hai jaan o dil se pyārī