Tags-Dil

kuchh dil kā ta.alluq to nibhāo ki chalā maiñ
yā TuuT ke āvāz lagāo ki chalā maiñ

tā-dil meñ tumhāre bhī na ehsās-e-vafā ho
jī bhar ke mujhe aaj satāo ki chalā maiñ

dekhī na ham ne jis kī jabīñ par kabhī shikan
vo dil kī ek ek chubhan kā sharīk thā

mohabbat kā tum se asar kyā kahūñ
nazar mil ga.ī dil dhaḌakne lagā

miT bhī chuke naqsh-e-pā magar dil
mahkī huī chaap sun rahā hai

sochoñ ke athāh pāniyoñ meñ
dil barf kā phuul ban gayā hai

dil yuuñ lagte qarīb haiñ lekin
rāsta muḳhtasar nahīñ hotā

pyaar dil kā saudā hai aql dil kī bīmārī
dostī ke parde meñ dostī se mat khelo

naġhma-e-tamannā se ḳhūn-e-dil Tapaktā hai
ishratoñ ke matavālo shā.irī se mat khelo

bahā bhī de mirī hālat pe aaj do aañsū
maiñ apne dil kī lagī ko bujhāne aayā huuñ

zindagī soz bane saaz na hone paa.e
dil to TuuTe magar āvāz na hone paa.e

kahīñ barq chamke maiñ jal uThūñ koī taarā TuuTe maiñ ro paḌūñ
ye dil-e-sitam-zada ham-nashīñ dil-e-kā.enāt se kam nahīñ

jise kahiye raqs-e-sharār-e-ġham vo agar ho shāmil-e-ġham to phir
ġham-e-dil ho yā ġham-e-zindagī ġham-e-kā.enāt se kam nahīñ

ye surūr 'aḳhtar'-e-dil-zada rajaz-e-bahār-o-shabāb hai
ye buland hotī huī fuġhāñ alam-e-hayāt se kam nahīñ

aaj kī shab shab-e-qayāmat hai
dil mirā be-tarah dhaḌaktā hai

kis ne dekhā hai parda-e-zulmāt
dil ke bhedoñ ko kis ne paayā hai

kar ke yaksar mujhe nazar-andāz
kis se dil ham-kalām rahtā hai

har bun-e-mū banā hai parda-e-sāz
dil ke tāroñ ko kis ne chheḌā hai

har ik shikast ko ai kaash is tarah maiñ sahūñ
fuzūñ ho aur bhī dil meñ tirī talab kā fusūñ

tumhāre qurb kā ehsās dilbar
mirī dhaḌkan baḌhā.e jā rahā hai