Tags-Dil

jahāñ lākhoñ mohabbat ke charāġhoñ se ujālā ho
'farah' raushan kisī dil kā vo dar ab tak nahīñ aayā

vahī dil hai jo husn-o-ishq kā kāshāna ho jaa.e
vo sar hai jo kisī kī teġh kā nazrāna ho jaa.e

tirī sarkār meñ laayā huuñ Daalī hasrat-e-dil kī
ajab kyā hai mirā manzūr ye nazrāna ho jaa.e

kisī kī zulf bikhre aur bikhar kar dosh par aa.e
dil-e-sad-chāk uljhe aur ulajh kar shāna ho jaa.e

aañkh meñ dahshat na thī haath meñ ḳhanjar na thā
sāmne dushman thā par dil meñ koī Dar na thā

ḳhud-baḳhud ham simaT ga.e dil meñ
jab bikharnā paḌā mohabbat meñ

taskīn-e-dil-o-jāñ kī to nikle koī sūrat
is neza-e-mizgāñ kī anī dil chubho leñ

āñkhoñ se kareñ kyā tunak aabī kī shikāyat
dil hī ke lahū se kabhī palkoñ ko bhigo leñ

dil kis ke tasavvur meñ jaane rātoñ ko pareshāñ hotā hai
ye husn-e-talab kī baat nahīñ hotā hai mirī jaañ hotā hai

phir un kī galī meñ pahuñchegā phir sahv kā sajda kar legā
is dil pe bharosā kaun kare har roz musalmāñ hotā hai

āvāz kā us kī zer-o-bam kuchh yaad rahā kuchh bhuul ga.e
kitnā dilkash thā merā sanam kuchh yaad rahā kuchh bhuul ga.e

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

dariyā-dil vo ke hameñ sauñp dī ġham kī jāgīr
ḳhud-ġharaz ham use hissa bhī nahīñ de sakte

sard ho jaatī hai fikr-e-jāh-e-duniyā jis ke ba.ad
vo zarā sā hai ḳhayāl ai dil ki phir kyā is ke ba.ad

dil ba-mushkil āstān-e-but ke sajdoñ se phirā
sar uThāyā to sahī lekin baḌī ghis ghis ke ba.ad

ḳhūn-e-dil hī par masā.ib kaash ho jaate tamām
dekhnā ye hai ki honā aur kyā hai is ke ba.ad

na hosh-e-ḳhalvat na fikr-e-mahfil ayaañ ho ab kis pe hālat-e-dil
maiñ aap hī apnā ham-nafas huuñ mirā koī ham-nafas nahīñ hai

na kar mujhe sharmsār nāseh maiñ dil se majbūr huuñ ki jis kā
hai yuuñ to kaun-o-makāñ pe qaabū magar mohabbat pe bas nahīñ hai

dekhte phirte haiñ log ā.īne sayyāroñ ke
dil kā gosha bhī hai darpan ye koī kyā jaane