Tags-Dil

'ārzū' dil hai vaqf-e-bīm-o-umīd
jhilmilātā charāġh jugnū kā

dil jigar jaan ye bhasmant hue siine meñ
ghar ko ātish dī mohabbat ne jalā kyā kyā kuchh

dil gayā hosh gayā sabr gayā jī bhī gayā
shaġhl meñ ġham ke tire ham se gayā kyā kyā kuchh

dard-e-dil zaḳhm-e-jigar kulfat-e-ġham dāġh-e-firāq
aah aalam se mire saath chalā kyā kyā kuchh

chashm-e-namnāk-o-dil par jigar sad-pāra
daulat-e-ishq se ham paas bhī thā kyā kyā kuchh

chheḌ vo raag lahū aañkh se nikle dil kā
to bhī kyā giit sunātā hai chalā jaatā hai

daur-e-mustaqbil pe duniyā ke nigāheñ thiiñ tirī
rahbar-e-rāh-e-amal dil-doz aaheñ thiiñ tirī

vahī shaḳhs jis pe apne dil-o-jāñ nisār kar duuñ
vo agar ḳhafā nahīñ hai to zarūr bad-gumāñ hai

ġham-e-vidā.a meñ pinhāñ thā aur bhī ik ġham
ki dil se shauq-e-mulāqāt-e-bārhā bhī gayā

ro ruvā chāhe jatā rone se jā hai dil se dañg
zañg ho hai dil upar hañsne se aa ai dil na hañs

yahāñ aa kar kareñ kyā yās-o-umīd
dil-e-be-mudda.ā hai aur maiñ huuñ

ḳhudā jaane buto hotā hai kyā haal
yahī gar dil mirā hai aur maiñ huuñ

ik hijr jo ham ko lāhaq hai tā-der use dohrā.eñ kyā
vo zahr jo dil meñ utaar liyā phir us ke naaz uThā.eñ kyā

ik aag ġham-e-tanhā.ī kī jo saare badan meñ phail ga.ī
jab jism hī saarā jaltā ho phir dāman-e-dil ko bachā.eñ kyā

baat to dil-shikan hai par yaaro
aql sachchī thī ishq jhūTā thā

dil jise kahte haiñ pahlū meñ kabhī vo hogā
ham ne to dil kī jagah dāġh-e-tamannā dekhā

kamāl-e-zabt yahī hai vaqār-e-ishq yahī
chhupī ho ārzū-e-dil ḳhudī ke dāman meñ

ek dil hai aur tūfān-e-havādis ai 'jigar'
ek shīsha hai ki har patthar se Takrātā huuñ maiñ

shor kī dhuul meñ gum galiyoñ se
dil ko chup-chāp guzar jaanā hai

zehn-o-dil kī hadoñ se duur kahīñ
bāb-e-imkāñ koī khulā mujh meñ