Tags-Dil

ulTī ho ga.iiñ sab tadbīreñ kuchh na davā ne kaam kiyā
dekhā is bīmāri-e-dil ne āḳhir kaam tamām kiyā

kab dard se dil ko taab aayā
āñkhoñ meñ kahāñ se ḳhvāb aayā

dil-e-girafta ke sab pech-o-tāb khol ke dekh
havā kā zor muhīt-e-hubāb khol ke dekh

dhaḌakte dil se na maujoñ kī razm-gah meñ utar
ḳhat-e-safar ko kaf-e-dast-e-āb khol ke dekh

bichhaḌ ke sāhiloñ se mauj-e-dil kaisī lagegī
bikhar ke āñdhiyoñ meñ bādbāñ kaisā lagegā

utar jā.egā rañg-e-āshiqī jab is ke ḳhuuñ se
to dil begāna-e-sūd-o-ziyāñ kaisā lagegā

vo jurm bhī ik azmat-e-kirdār hai jis ne
TuuTā huā ik rishta-e-dil joḌ diyā hai

dil Duub chalā āḳhir-e-shab ḳhushk haiñ āñkheñ
aa jā ki sitāroñ ne bhī dam toḌ diyā hai

dil-e-mahjūr ko taskīn kā sāmāñ na milā
shahr-e-jānāñ meñ hameñ maskan-e-jānāñ na milā

baḳht-e-be-dār kahāñ jalva-e-dil-dār kahāñ
ḳhvāb meñ bhī hameñ vo ġhuncha-e-ḳhandāñ na milā

dar-e-jānāñ pe fidā karte dil-o-jāñ 'aḳhtar'
vaa.e bar-hāl-e-dil-o-jāñ dar-e-jānāñ na milā

kabhī samt-e-ġhaib siiñ kyā huā ki chaman zuhūr kā jal gayā
magar ek shāḳh-e-nihāl-e-ġham jise dil kaho so harī rahī

har kahī an-kahī samajhtā hai
dil tirī ḳhāmushī samajhtā hai

dil ko uljhā na yuuñ savāloñ meñ
ye tirī sādgī samajhtā hai

rūThtā hī nahīñ kisī sūrat
dil tirī bebasī samajhtā hai

dil umr ke qānūn kā qaa.il nahīñ varna
ehsās use bhī hai ki vo mujh se baḌī hai

ā.ankhoñ meñ tire ġham kā hai hañstā huā mausam
dil meñ tirī yādoñ kī harī fasl khaḌī hai

dil par is kākul-e-rasā kī choT
qahr kī choT hai balā kī choT

āfrīñ dil ko jo uThātā hai
dam-ba-dam ḳhanjar-e-adā kī choT

ban ga.ī ḳhuun dast-e-qātil meñ
rañg laa.ī dil-e-hinā kī choT