Tags-Dil

vo kashtī-e-dil hī Duub chukī jo ziist kā hāsil thī 'farhat'
ab rāhat-e-sāhil kuchh bhī nahīñ ab shorish-e-tūfāñ kuchh bhī nahīñ

ḳhair se dil ko tirī yaad se kuchh kaam to hai
vasl kī shab na sahī hijr kā hañgām to hai

kam nahīñ ai dil-e-betāb matā-e-ummīd
dast-e-mai-ḳhvār meñ ḳhālī hī sahī jaam to hai

ġham ke bharose kyā kuchh chhoḌā kyā ab tum se bayān kareñ
ġham bhī raas na aayā dil ko aur hī kuchh sāmān kareñ

bhalī burī jaisī bhī guzrī un ke sahāre guzrī hai
hazrat-e-dil jab haath baḌhā.eñ har mushkil āsān kareñ

kal ḳharābāt meñ ik goshe se aatī thī sadā
dil meñ sab kuchh hai magar ruḳhsat-e-guftār nahīñ

hai dil meñ ho ke sar-ḳhush kiije tere jām-o-mīnā ke
ravā mastoñ ke mashrab meñ jo ho mad.h-o-sanā saaqī

bāb-e-qubūl-e-mudda.ā dā.ī-e-ḳhair hai tirā
ho dil-e-shab meñ nāla-kash ai dil-e-be-qarār-e-shab

ba.ad-e-firāq rañg-e-vasl hotā hai ain imbisāt
merā vo rāhat-e-ravāñ dil se huā do-chār-e-shab

khaTak rahā hai jo nashtar jarāhat-e-dil meñ
fareb-e-nargis-e-tannāz se ibārat hai

qafas bhī jaise darīcha hai dil ke zindāñ kā
nafas bhī lazzat-e-parvāz se ibārat hai

mire lahū kī ye gardish usī kā jaadū hai
ye harf-e-dil jo tire raaz se ibārat hai

āmad-e-ḳhat se na kar ḳhanda-e-shīrīñ ki mabād
chashm-e-mor ā.īna-e-dil nigarānī māñge

kitāb-e-dil kā mirī ek baab ho tum bhī
tumheñ bhī paḌhtā huuñ maiñ ik nisāb kī sūrat

dil dhaḌaktā hai to aatī haiñ sadā.eñ terī
merī sāñsoñ meñ mahakne lagīñ sāñseñ terī

zehn-o-dil tere tasavvur se ghire rahte haiñ
mujh ko bāhoñ meñ liye rahtī haiñ yādeñ terī

pyaar ke is khel meñ anjām sab kā ek hai
TūTnā dil kā magar achchhā nahīñ lagtā mujhe

chalī hai ātish-o-āhan ke dil se bād-e-sumūm
chaman ke jalva-e-gul-hā-e-tar kī ḳhair manāo

mire vajūd meñ ik karb ban ke bikhrā hai
ye merā dil ki huā bā.is-e-vabāl mujhe

maiñ bolī kyuuñ bahut bechain rahte ho
vo bolā qahr hai dil kī lagī merī