Tags-Dil

na dil-o-dimāġh ko hai sukūñ na zamāñ makāñ ko qarār hai
maiñ safar meñ huuñ ki hazar meñ huuñ mirī zindagī safarī rahī

kahīñ chāñd jugnū parinda rut kahīñ rañg dhuup dhanak nirt
mire daur meñ dil-e-muztarib ye ġhazal kī shīshagarī rahī

be-rahm dil kī himāqatoñ ke asiir haiñ
tabhī sar-nigūñ haiñ nadāmatoñ ke asiir haiñ

kahāñ vo zamīñ ko sunā sake haiñ nidā-e-dil
mire lafz arsh kī vus.atoñ ke asiir haiñ

dil jal rahā thā ġham se magar naġhma-gar rahā
jab tak rahā maiñ saath mire ye hunar rahā

ḳhauf āsmāñ ke saath thā sar par jhukā huā
koī hai bhī yā nahīñ hai yahī dil meñ Dar rahā

tirchhī nazar na ho taraf-e-dil to kyā karūñ
lailā ke nā-pasand ho mahmil to kyā karūñ

pisvā.ūñ be-gunāh jo dil ko hinā ke saath
pursān-e-hāl ho koī aadil to kyā karūñ

ḳhud chāhtā huuñ zabt karūñ dard-e-shauq maiñ
dil hī mirā na ho mutahammil to kyā karūñ

muñh chuum luuñ ki gird phirūñ dauḌ dauḌ ke
ai dil jo haath rok le qātil to kyā karūñ

kyūñ-kar na jabr dil pe karūñ apne iḳhtiyār
rāhat meñ aa paḌe koī mushkil to kyā karūñ

aane ko manā karte ho achchhā na ā.ūñgā
ye to kaho na maane mirā dil to kyā karūñ

chashm-o-abrū-o-miza yaar kī haiñ darpai jaañ
ek dil ghir gayā hai itne dil-āzāroñ meñ

yūsuf-e-dil ko hasīnoñ se sivā samjhe aziiz
pher detā ye DhiñDhorā koī bāzāroñ meñ

'qalaq' itnī nahīñ har vaqt koī bach kartā
aap bhī hazrat-e-dil ke haiñ taraf-dāroñ meñ

maiñ tere ishq se pahle gunāh kartā thā
mujhe diyā gayā dilkash azaab ya.anī tū

kabhī kabhī ye dil kartā hai
yādeñ phir se taaza kar luuñ

kabhī kabhī ye dil kartā hai
vahī purānī book phir kholūñ

dil to hai sirf apnī zaat kā ġham
tum magar kā.enāt kā ġham ho