Tags-Dil

muñh se batāo yā na batāo tum ham ko dil kī bāteñ
jān-e-man ye nain tumhāre, ye jāsūs hamāre haiñ

dil kī hasrat na rahī dil meñ mire kuchh baaqī
ek hī teġh lagā aisī ai jallād ki bas

kis ne dekhā ye dekhnā merā
dil kī āñkhoñ se dekhtā huuñ maiñ

dil-dādgān-e-lazzat-e-ījād kyā kareñ
sailāb-e-ashk-o-āh pe buniyād kyā kareñ

dil kī rūdād nigāhoñ se bayāñ hotī hai
dard-mandoñ kī ḳhamoshī meñ zabāñ hotī hai

yuuñ bhī hotī hai tire ġham kī navāzish aksar
lab pe hotī hai hañsī dil meñ fuġhāñ hotī hai

lahlahātī vādiyoñ se ḳhūb-tar haiñ reg-zār
dil ke sahrā meñ gulistāñ kī fazā paidā karo

aatā hai bād-e-zulm tumhīñ ko to rahm bhī
apne kiye se dil meñ pashemāñ tumhīñ to ho

pachhtāoge bahut mire dil ko ujaaḌ kar
is ghar meñ aur kaun hai mehmāñ tumhīñ to ho

dildār o dil-fareb dil-āzār o dil-sitāñ
lākhoñ meñ ham kaheñge ki haañ haañ tumhīñ to ho

tire dil meñ ġhaltāñ ho gar vo anokhī kasak
ki jis ke sabab tujh ko har shai pukāre, kahe:

tire dil meñ ho mauj-dar-mauj ik sail-e-dard
magar tū na samjhe kashish kyā hai duurī hai kyuuñ

ye āmezish-e-husn-o-ḳhauf aarzū o farār
tire dil meñ ġhaltāñ rahe vo anokhī kasak

shaiḳh kyā va.az sunātā hai dikhāne ke liye
dil meñ tasvīr-e-sanam hai tirā īmāñ na rahā

ho gayā saath dil-e-zār ke vo bhī ruḳhsat
māya-e-zīst jo apnā thā vo armāñ na rahā

lahū ko dil ke jo sarf-e-bahār kar na sake
ilaaj gardish-e-lail-o-nahār kar na sake

siyah-baḳhtī kā saaya dīda-o-dil par hai yuuñ taarī
ki ik muddat se mere din bhī kajlā.e hue se haiñ

vafūr-e-ishq kī nairañgiyāñ are tauba
jo dil meñ dard hai vo dil kī dāstāñ meñ nahīñ

'falak' maiñ kaifiyyat-e-dil se ḳhud pareshāñ huuñ
kisī fuġhāñ meñ asar hai kisī fuġhāñ meñ nahīñ

kabhī jaag uThā kabhī so gayā kabhī khil uThā kabhī kho gayā
dil-mast jām-e-jamāl ko na ḳhabar na be-ḳhabarī rahī