Tags-Dil

saarī duniyā se alag vahshat-e-dil hai apnī
ye ki lagtī hai na ghar kī na bayābāñ vaalī

samajh meñ na aa.e to merī ḳhamoshī ko dil par na lenā
ki ye aql vāloñ kī dānist se māvarā tajraba hai

kaThin to bahut hai magar dil ke rishtoñ ko āzād chhoḌo
tavaqqo.a na bāñdho ki ye ik aziyyat bharā tajraba hai

tire visāl kī kab aarzū rahī dil ko
ki ham ne chāhā tujhe shauq-e-be-sabab ke liye

vo ik lamha mohabbat kā jab us ne hāl-e-dil pūchhā
vo ik lamha hazāroñ saal kī furqat pe bhārī thā

hujūm-e-ārzū hamrāh-e-jān-o-dil sahī lekin
qarīb-e-kū-e-jānāñ koī tanhā ho hī jaatā hai

na ro yuuñ 'shāz' āñkheñ jo dikhā.eñ dekhte jaao
na itnā ġham karo ye dil hai sahrā ho hī jaatā hai

vo ek yaad kī dastak jo dil pe hotī hai
mire ḳhazāne ke motī bikharne lagte haiñ

dard-e-dil kī davā hai jis kī nazar
vo masīhā nazar nahīñ aatā

riit bhī apnī rut bhī apnī
dil rasm-e-duniyā kyā jaane

aarzū mere qadam kī thī kabhī rāhoñ ko
aaj lekin dil-e-imkāñ meñ khaTaktā huuñ maiñ

kuchh zard zard patte nishāñ jo ḳhizāñ ke haiñ
nairañg-e-dil-fareb ye sab āsmāñ ke haiñ

ham dil-jaloñ ko huzn-o-alam se hai soz-o-sāz
andāz zamzamoñ meñ bhī āh-o-fuġhāñ ke haiñ

uTh uTh ke baiTh jaatā hai bāñg-e-jaras pe dil
dekh ai falak ye hausle is nā-tavāñ ke haiñ

kisī e.azāz pe ab sikka-e-dil kyā uchhle
is tavātur se miyāñ qīmat-e-e.azāz girī

mānind-e-sub.ha uqde na dil ke kabhū khule
jī apnā kyuuñ ki uchTe na roze namāz se

dil par ho iḳhtiyār to hargiz na kariye ishq
parhez kariye is maraz-e-jāñ-gudāz se

tirī jafā ko jafā maiñ to kah nahīñ saktā
sitam sitam hī nahīñ hai jo dil ko raas aa.e

ye bebasī bhī nahīñ lutf-e-iḳhtiyār se kam
ḳhudā kare na kabhī dil pe iḳhtiyār aa.e

is tarah aate haiñ anjām-e-mohabbat ke ḳhayāl
ishratoñ meñ dil kī paiġhām-e-alam dete hue