Tags-Dil

agar jalāyā gayā hai kahīñ diye se diyā
to kyā ajab ki kabhī dil se dil banāyā jaa.e

dil kaañp kaañp uThtā hai azm-e-gunāh par
mil jaatī hai sazā hameñ pahle ḳhatā se bhī

yahī nahīñ ki bas ġham-e-safar hamāre saath hai
mizāj-e-shabnam o dil-e-sharar hamāre saath hai

shab-e-safar kā ġham hī kyā shab-e-safar hai muḳhtasar
abhī to ek dal sā rāhbar hamāre saath hai

nahīñ agar tufañg o tiir o tesha o tabar to kyā
dil-e-javāñ junūn-e-mo'atabar hamāre saath hai

dil kā sukūn aañkh kā taarā kise kaheñ
ye sochnā paḌā hai ki apnā kise kaheñ

kholī jo Tuk ai ham-nashīñ us dil-rubā kī zulf kal
kyā kyā jatā.e ḳham ke ḳham kyā kyā dikhā.e bal ke bal

rashk se naam nahīñ lete ki sun le na koī
dil hī dil meñ use ham yaad kiyā karte haiñ

dil kī āzādī shahanshāhī shikam sāmān-e-maut
faisla terā tire hāthoñ meñ hai dil yā shikam

ai musalmāñ apne dil se pūchh mullā se na pūchh
ho gayā allāh ke bandoñ se kyuuñ ḳhālī haram

zaḳhm gahre kar rahī hai har na.e misre kī kaaT
sher kahne se bhī dil kā bojh kab halkā huā

ghul ga.ī betābī-e-dil vaqt ke mahlūl meñ
zabt ke Thahre hue paanī meñ paara mil gayā

dil ke kārobār meñ hāsil kī koī shart hai
mil gayā is raah meñ jis ko ḳhasāra mil gayā

rakh chukā hai rehn vo pahle hī apnī raushnī
kis sitāre se mire dil kā sitāra mil gayā

zaḳhm kaarī bahut lagā dil par
tiir apnoñ ne ik chalāyā thā

yuuñ abas kisī ko sadā na do dil-e-zār ko ye batā bhī do
kabhī ab na ā.eñge lauT kar vo jo ek baar chale ga.e

karte the vo baiThe hue nāḳhun se judā gosht
kahne ko mire dil kī girah khol rahe the

dil ko tire ḳhayāl se bahlā rahā huuñ maiñ
yuuñ shām-e-ġham ko sub.h kiye jā rahā huuñ maiñ

vo yak-ba-yak use dal meñ utārne kā amal
vo apnī zaat pe shab-ḳhūn mārne kā amal

hazār vasvase dil meñ aur ik dahaktā alaav
hayāt-e-dasht meñ rāteñ guzārne kā amal