Tags-Dil

bichhne do bisāt-e-zīst agar jiite to sar-afrāzī varna
sab haare hue to baiThe ho ye naqd-e-dil-o-jāñ aur sahī

ho chukā intizār sone de
ai dil-e-be-qarār sone de

hujūm-e-ashk meñ miltā nahīñ dil
mirā yūsuf hai gum is kārvāñ meñ

DhūñDne vaale pā letī haiñ ant samundar kā sā.īñ
thaah milī nahīñ jis kī kisī ko dil hai vo dariyā sā.īñ

jo tūfān aayā thā us ke ab koī āsār nahīñ
qulzum-e-dard meñ dil kā safīna kab kā Duub gayā sā.īñ

pahroñ dil se bāteñ kar ke chain se baiThe haiñ aise
jaise jo kuchh bhī kahnā thā duniyā-bhar ko sunā aa.e

qismat kī tarah ye dil na phirā ka.abe se bhī ulTe paañv phire
āñkhoñ meñ galī vo phirne lagī be-ḳhud ye tavāf haram ne kiyā

us ke dil se utar ga.e 'nādir'
tum ko aatā nahīñ hai Dhab kuchh bhī

filfil-e-ḳhāl-e-malāhat ke tasavvur meñ tire
charcharāhaT hai kabāb-e-dil-e-biryān meñ kyā

dastakeñ hoñgī dar-e-dil pe koī aa.egā
raat bhar ham isī ummīd meñ bedār rahe

dil-ba-dil ā.īna hai dair o haram
haq jo pūchho ek dar hai do taraf

ḳhvāh ka.aba ḳhvāh but-ḳhāna ko jā
dasht-e-dil kā rahguzar hai do taraf

bujhā sakā na maiñ ashkoñ se dil kī ātish ko
mirā fuġhān fuġhānoñ meñ ḳhaam hai shāyad

dil sā vahshī kabhī qaabū meñ na aayā yaaro
haar kar baiTh ga.e jaal bichhāne vaale

kal maiñ jab ālam-e-tanhā.ī meñ thā
dil ne chupke se kahā

maiñ zarā der to ḳhāmosh rahā
dekh kar dil ko magar maiñ ne musalsal betāb

biite lamhe kabhī vāpas nahīñ aate ai dil
ye jahāñ rāh-e-amal hai jis par

ai mire dil tujhe us tarah dhḌaknā hogā
ye sipāhī ye mire desh ke ḳhuddār javāñ

tasavvur ke sahāre yuuñ shab-e-ġham ḳhatm kī maiñ ne
jahāñ dil kī ḳhalish ubhrī tumheñ āvāz dī maiñ ne

vaqt-e-ruḳhsat dil ne itnā hī kahā ro kar ki bas
ab phir aane kī mire tū aarzū mat kījiyo