Tags-Dil

sitam hai sitam ka.aba-e-dil kā Dhānā
ye kyā kar rahe ho ye kyā ho rahā hai

gazak kī is qadar ai mast tujh ko kyā shitābī hai
hamārā bhī dil sad-laḳht-e-dūkān-e-kabābī hai

chhuḌā mashshāta zulf-e-yār ko shāne ke nīche se
ki us kī kashmakash se dil ko mere pech-o-tābī hai

badan par kuchh mire zāhir nahīñ aur dil meñ sozish hai
ḳhudā jaane ye kis ne raakh andar aag daabī hai

shikast aatī hai is meñ mauj-e-mai se dekhiyo saaqī
bachānā Thes se shīsha mire dil kā habābī hai

nigāh o dil meñ vahī karbalā kā manzar thā
maiñ tishna-lab thī mire sāmne samundar thā

mirī samajh meñ aa gayā har ek rāz-e-zindagī
jo dil pe choT paḌ ga.ī to duur tak nazar ga.ī

bhulāne ke liye raazī tujhe ye dil nahīñ hotā
tabhī to yaad se terī kabhī ġhāfil nahīñ hotā

sabr ke dariyā meñ jab aa jā.egā
dil ġhamoñ se ḳhud ubhartā jā.egā

dil-nashīñ muḳhtasar salīs āsāñ
shā.erī bā-vaqār kartā huuñ

naqsh-e-dil hai sitam judā.ī kā
shauq phir kis ko āshnā.ī kā

un ke dil kī kudūrat aur baḌhī
zikr kījiye agar safā.ī kā

kar ke sadqe na chhoḌ deñ 'nassāḳh'
dil ko dhaḌkā hai kyuuñ rihā.ī kā

un kī ḳhushī se baḌh ke hameñ kuchh nahīñ aziiz
dil maal kyā hai jaan bhī de deñ ḳhushī se ham

tum to sachche ho magar dil kā bharosa kuchh nahīñ
bujh na jaa.e ye charāġh-e-intizār agle baras

sa.ūbatoñ se jo dil TūTne lage 'kausar'
nazar ke sāmne tasvīr-e-karbalā rakhnā

diye bujhātī rahī dil bujhā sake to bujhā.e
havā ke sāmne ye imtihān rakhnā hai

lutf duunā ho jo donoñ ghar mire ābād hoñ
tū rahe pahlū meñ terī aarzū dil meñ rahe

maz.hab kā ho kyūñkar ilm-o-amal dil hī nahīñ bhaa.ī ek taraf
cricket kī khilā.ī ek taraf collage kī paḌhā.ī ek taraf

dil kā 'aḳhtar' mazār siine meñ
ġham hai gumbad kalas udāsī hai