Tags-Dil

dil meñ to un kī aab koī dekhtā na thā
durr-e-samīn the jo dar-chashm se mile

mil ke ik baar use yaad nahīñ hone ke
dil ke ujḌe nagar ābād nahīñ hone ke

dil meñ Thānī hai bhulā deñ tumheñ dhīre dhīre
aur is ishq meñ barbād nahīñ hone ke

dil kā mo.āmla jo supurd-e-nazar huā
dushvār se ye marhala dushvār-tar huā

simTī to aur phail ga.ī dil meñ mauj-e-dard
phailā to aur dāman-e-ġham muḳhtasar huā

dil meñ jarāhatoñ ke chaman lahlhā uThe
'muztar' jab us ke shahr se apnā guzar huā

kabhī bahāroñ ke mausamoñ meñ jo dil kī bastī ġhazal-sarā thī
vahīñ kahīñ ek aarzū ke machalne kī bhī baḌī kathā thī

jalegā dil to dhuāñ uThegā ye aag aise nahīñ bujhegī
nagar nagar ye ḳhabar pahuñchtī magar havā kī ajab dishā thī

tujhe ḳhabar hai tire tīr-e-be-panāh kī ḳhair
bahut dinoñ se dil-e-nā-tavāñ nahīñ miltā

mujhe aziiz sahī qadr-e-dil tumheñ kyuuñ ho
kamī to dil kī nahīñ dil kahāñ nahīñ miltā

dil kā gila falak kī shikāyat yahāñ nahīñ
vo mehrbāñ nahīñ to koī mehrbāñ nahīñ

ḳhvāhish ke musāfir to ab tak tārīki-e-jāñ meñ chalte haiñ
ik dil ke nihāñ-ḳhāne meñ kahīñ jaltī hai sham-e-zamīr to kyā

likhtā huuñ to poroñ se dil tak ik chāñdnī sī chhā jaatī hai
'qāsir' vo hilāl-e-harf kabhī ho paa.e na māh-e-munīr to kyā

duniyā ke sānehāt ne dil ko rulā diyā
tahrīr hādsāt bhī karne nahīñ diye

mausam na.e the dil ke kañval kyuuñ na khul sake
kuchh ahd-e-iltifāt bhī karne nahīñ diye

mujh ko jo kahte ho myaañ tum ho kahāñ tum ho kahāñ
dil kahāñ hai paas mere merī jaañ tum ho kahāñ

pūchhte haiñ haal to muñh dekh rahte ho 'razā'
dil kahīñ aur hī hai sunte ho miyāñ tum ho kahāñ

aql ke nuur se dil kījiye apnā raushan
dil kī rāhoñ se sū-e-manzil-e-insāñ chaliye

vo iḳhtiyār-e-dīd kī sūrat nahīñ rahī
dil se nikal chukā hai har ik tīr-e-nīm-kash

detā hai kaun dil ke kivāḌoñ pe dastakeñ
ye kaun ruup dhaar ke aayā havāoñ kā