Tags-Dil

mirī nigāh se jab vo nazar milāte haiñ
dil-e-ġharīb kī duniyā ujaaḌ jaate haiñ

na jaane kyuuñ ye mirā dil dhaḌakne lagtā hai
tire ḳhayāl se pahle tire ḳhayāl ke ba.ad

kahāñ thī ek hī hālat mire dil-o-jāñ kī
tire ḳhayāl se pahle tire ḳhayāl ke ba.ad

dil ko khoyā ḳhud bhī kho.e duniyā khoī diin bhī khoyā
ye gum-shudagī hai to ik din ai dost tujhe bhī khonā hai

mātam hai mirī āvāz shikast-e-sāz-e-dil-e-sad-pāra kā
'saġhar' merā naġhma bhī dīpak ke suroñ meñ ronā hai

ka.ī aate haiñ andar jhāñk jaate haiñ mire dil meñ
binā chhat kā koī jarjar sā kamra ho gayā huuñ maiñ

tai kar ke dil kā ziina vo ik qatra ḳhuun kā
palkoñ kī chhat tak aayā to lekin girā nahīñ

kisī habīb ne lafzoñ kā haar bhejā hai
basā ke itr meñ dil kā ġhubār bhejā hai

sajā ke dāman-e-gul ko sharāra-e-nam se
kisī ne tāj-e-dil-e-dāġhdār bhejā hai

dhuul oḌhe sahīfe batā.eñ bhī kyā
raat bhar tāq-e-dil meñ jalā kaun hai

āñkhoñ kā thā qusūr na dil kā qusūr thā
aayā jo mere sāmne merā ġhurūr thā

hazrat-e-dil to bigāḌ aa.e haiñ is se lekin
ab bhī ham chāheñ to phir baat banā sakte haiñ

hai mohabbat jo tire dil meñ vo ik taur pe hai
ham ghaTā sakte haiñ is ko na baḌhā sakte haiñ

adā-e-sharm ho ḳhalvat meñ yā andāz shoḳhī ke
tire har naaz par ham ko to jaañ ai dilrubā denā

udhar us lab se niklā shoḳh chitvan ko na denā dil
udhar chashm-e-suḳhan-go ne ishāroñ meñ kahā denā

laboñ se lab milā leñ vasl meñ siine se yā siina
magar mumkin nahīñ us but ke dil se dil milā denā

ek ye log ki sāthī bhī badal lete haiñ
ik mirā dil ki jise zaat kī tanhā.ī milī

jis ne dil vāloñ kī bastī meñ rihā.ish rakkhī
us siyah-baḳht ko barsoñ kī shakebā.ī milī

magar ai bahā-e-umīd-e-dil
tirī zindagī bhī qalīl hai

alāmat-e-shajar-e-sāya-dār bhī vo jism
ḳharābi-e-dil-o-dīda kā isti.āra bhī