Tags-Dil

bhūltā hī nahīñ vo dil se use
ham ne sau sau tarah bhulā dekhā

dil meñ 'asġhar' ke ḳhushiyoñ kī barsāt thī
hañste hañste vo kyuuñ ġham-zada ho gayā

koī dastak koī Thokar nahīñ hai
tumhāre dil meñ shāyad dar nahīñ hai

ḳhud apnī zaat meñ ham is tarah muqayyad haiñ
na dil meñ tāb-o-tavāñ hai na jur.at-e-iz.hār

na koī jahāñ se guzar sake ye vahāñ vahāñ se guzar gayā
tire ishq meñ dil-e-mubtalā har ik imtihāñ se guzar gayā

tire ishq-e-sīna-figār kā ye shu.ūr qābil-e-dād hai
vahī tiir dil se lagā liyā jo tirī kamāñ se guzar gayā

dil-e-ḳhud-āshnā sohān-e-zindagī hogā
ye sañg-e-mīl hai kal sañg-e-rāh bhī hogā

vo maiñ nahīñ mirī āshuftagī-e-dil hogī
vo tū nahīñ tirā andāz-e-dilbarī hogā

tifl-e-dil ko mire kyā jaane lagī kis kī nazar
maiñ ne kambaḳht ko do din bhī na achchhā dekhā

le gayā thā taraf-e-gor-e-ġharībāñ dil-e-zār
kyā kaheñ tum se jo kuchh vaañ kā tamāshā dekhā

jag se bhalā sansār se pyārā
dil kī ThanDak aañkh kā taarā

kitnī pur-kaif is kī adā.eñ
kitnī dilkash is kī fazā.eñ

jo rañg-e-ishq se fāriġh ho us ko dil nahīñ kahte
jo maujoñ se na Takrā.e use sāhil nahīñ kahte

ahl-e-dil aa.e yahāñ tāḳhīr se
ab kahāñ vo garmī-e-bāzār hai

terī bātoñ pe kaun laa.e dalīl
dil hai so lā-javāb rahtā hai

be-sabab āñkhoñ meñ aañsū bhī nahīñ aate ab
vahshat-e-dil bhī kahīñ duur rahā kartī hai

sabr-o-sukūñ kahāñ hai tire intizār meñ
dil iḳhtiyār meñ na nazar iḳhtiyār meñ

yād-e-jamāl-e-dost ke qurbān jā.iye
taskīn pā rahā huuñ dil-e-be-qarār meñ

jab tum ho mere paas ḳhizāñ bhī bahār hai
tum hī nahīñ to kaise lage dil bahār meñ