Tags-Dil

kho baiThe haiñ us ishq ke hāthoñ se 'nasīr' ab
hosh-o-ḳhirad o sabr-o-qarār o dil-o-dīñ ham

kisī ke jaur-o-sitam kā to ik bahānā thā
hamāre dil ko bahar-hāl TuuT jaanā thā

us ke dil par bhī kaḌī ishq meñ guzrī hogī
naam jis ne bhī mohabbat kā sazā rakkhā hai

vo jo miltā nahīñ ham us kī galī meñ dil ko
dar-o-dīvār se bahlā ke chale aate haiñ

maiñ to samjhā thā bujhāveñge kuchh aañsū tuf-e-dil
ye to aur aag ko bhaḌkā ke chale aate haiñ

dil kī betābī se jaate to haiñ ham us kū meñ
lek is jaane se pachhtā ke chale aate haiñ

maslahat kahtī hai vo aa.e to kyuuñ aa.e yahāñ
dil kā ye haal har aahaT pe dhaḌak jaatā hai

fuġhāñ ki qissa-e-dil sun ke log kahte haiñ
ye kaun sī na.ī uftād hai haTāo bhī

na jaane kyā dil-e-sayyād meñ ḳhayāl aayā
vo ro diyā thā mire bāl-o-par katarte hue

dil kā saarā ghor añdherā duur huā
kis kā hai ye nuur jo maiñ pur-nūr huā

zaḳhm risā phir zaḳhm-e-dil nāsūr huā
rafta rafta jaise bhāgalpūr huā

paanī paanī chīḳh rahā thā pyāsā dil
shahr-e-sitam kā kaisā ye dastūr huā

kaisā mulk-shor bapā hai ḳheme meñ
āñkheñ suunī dil kā shīsha chuur huā

use batānā ki us kī yādoñ ke saare safhe jalā chukā huuñ
kitāb-e-dil meñ raqam the jitne vo baab saare jhulas ga.e haiñ

jis ne jī chāhā use luuT ke pāmāl kiyā
apnā dil bhī hameñ dillī sā nagar lagtā hai

jo apnī hai vo ḳhāk-e-dil-nashīñ hī kaam aa.egī
giroge āsmāñ se jab zamīñ hī kaam aa.egī

yaad kā phir koī darvāza khulā āḳhir-e-shab
dil meñ bikhrī koī ḳhushbu-e-qabā āḳhir-e-shab

rafta rafta dard-e-dil yuuñ kam ho jaatā hai
merā ġham us kī ḳhushiyoñ meñ zam ho jaatā hai

yahī soch kar tum dil kī rakhvālī karnā dost
kaḌī dhuup meñ ye kāġhaz bhī nam ho jaatā hai

is chaman meñ phuul kī sūrat rahā maiñ chāk-dil
is chaman meñ shabnam-āsā maiñ sadā pyāsā milā