Tags-Dil

maiñ rahīn-e-qalb-e-muztar tū charāġh-e-shādmānī
tirī mahfil-e-tarab meñ kahāñ dil-figār hotā

tirī be-ḳhudī ne ai dil kisī kaam kā na chhoḌā
tirī baat Taal detā to na ḳhud pe baar hotā

maiñ ik dhuāñ thā ki uThtā gayā har ik dil se
jidhar se vo nigah-e-barq-bār guzrī hai

ek kiran bas raushniyoñ meñ sharīk nahīñ hotī
dil ke bujhne se duniyā tārīk nahīñ hotī

dil ko sambhāle hañstā boltā rahtā huuñ lekin
sach pūchho to 'zeb' tabī.at Thiik nahīñ hotī

har haal meñ merā dil-e-be-qaid hai ḳhurram
kyā chhīnegā ġhunche se koī zauq-e-shakar-ḳhand

vo bhī din the jab mire dil ko thī terī justujū
ye bhī din hai dil ko ab terā hī ghar paatā huuñ maiñ

samjhe hai zāhiran vo dil kī
detā hai jo dar-javāb gaalī

ā.īna-e-dil meñ mahv ho kar
sūrat hī kuchh aur ab nikālī

tere liye jab aañkh barastī hai raat ko
phir dil ke saath saath sulagtī hai zindagī

hai ajab sī kashmakash dil meñ 'asar'
kis ko bhūleñ kis ko rakkheñ yaad ham

rotā hai shab-e-hijr meñ dil ḳhuun ke aañsū
miltā nahīñ koī use ġham-ḳhvār-e-mohabbat

bhalā ho kyā dil zāhid meñ soz-e-ulfat-e-haq
kabhī jalāne ke qābil charāġh-e-ḳhām nahīñ

aziiz āshiq-e-gumnām kā hai dil us ko
nagīñ vo haath meñ rakhtā hai jis meñ naam nahīñ

vo dil ho chaak nahīñ ishq kā nishāñ jis meñ
nagīñ vo TuuTe mohabbat kā jis meñ naam nahīñ

baḌī dil-shikan hai rah-e-safar koī ham-safar hai na yaar hai
ki javāñ-asar hai tamām shai na sukūn hai na qarār hai

zarā tez-gām baḌhe chalo hai fazā-e-sahrā musāfiro
jahāñ aañkh dil kī jhapak ga.ī vahīñ zindagī kā mazār hai

din kā vo haal raat kā vo kuchh bayān hai
sair-e-chaman so dil se kuchh ai yaar hai hameñ

shikve bhare haiñ dil meñ va-lekin 'muhibb'-e-man
kab tere aage tāqat-e-guftār hai hameñ

yak dast uThā leveñge is safha-e-dil par
naqsh-e-qadam-e-yār ko juuñ naqsh o nagīñ ham