Tags-Dil

haiñ ḳhudāvandān-e-duniyā ham tahī-dastoñ se hech
dil ko hasrat thī to ham jaisoñ se ḳhil.at māñgtā

kahne ko to har baat kahī tere muqābil
lekin vo fasāna jo mire dil pe raqam hai

dil kisī aur jā aḌā huā hai
ruuh kisī aur meñ phañsī huī hai

kaise kah duuñ maiñ hāl-e-dil us se
vo mire sāmne baḌī huī hai

ashk kī bārish meñ dil se ġham nikal aatā nahīñ
ghar se bāhar meñh barasne meñ koī jaatā nahīñ

bas-ki tere hijr meñ hai nā-gavārā akl-o-sharb
dil ba-juz ḳhūn-e-jigar ai jaan kuchh khātā nahīñ

tark-e-ishq us sarv-e-bālā kā kiyā hai jab se dil
ālam-e-bālā se bālā.ī ḳhabar laatā nahīñ

bas-ki hai ham-rañg vāshud se 'muhib' us baaġh meñ
dil ko ġhair-az-ġhuncha-e-tasvīr kuchh bhātā nahīñ

hikāyat-e-ġham-e-duniyā tavīl thī kah dī
hikāyat-e-ġham-e-dil muḳhtasar hai kyā kahiye

dil hai mirā rañgīnī-e-āġhāz pe maa.il
nazroñ meñ abhī jaam hai anjām nahīñ hai

ye dil kā shahr mushkil se basā thā
chalo is shahr meñ ab ḳhaak uḌā.eñ

kahāñ se zor-e-dil-o-sīna-o-jigar lā.ūñ
tumheñ to khel lagā haath teġh-rānī kā

na pūchhe koī to yuuñ apne dil ko phuslā lo
durafsh-e-lashkar-e-fardā to be-gumāñ tum ho

yaad phir bhūlī huī ek kahānī aa.ī
dil huā ḳhuun tabī.at meñ ravānī aa.ī

dil ba-zāhir hai subuk-dosh-e-tamannā 'maḳhmūr'
phir tabī.at meñ kahāñ kī ye girānī aa.ī

mujhe rañg de na surūr de mire dil meñ ḳhud ko utaar de
mire lafz saare mahak uTheñ mujhe aisī koī bahār de

mire dil kī duniyā udaas hai na to hosh hai na havās hai
mire dil meñ aa ke Thahar kabhī mire saath umr guzār de

kyuuñ muġhannī ke liye bechain hai tū is qadar
ai dil-e-nādāñ ki tū to ik shikasta saaz hai

mire dil kī tamannā ban gayā hai
vo chehra merī chashm-e-tar meñ jā kar

baḌhegī luqma-e-dil se bhī aage us kī havas
ye nafs tan ko nigal jā.egā ḳhabar nahīñ thī