Tags-Dil

dil mirā luuT gayā vo baḌī tauqīr ke saath
jo mujhe jiit na paayā kabhī shamshīr ke saath

dil kī nagrī se ka.ī ek musāfir guzre
koī Thahrā hī nahīñ hai dil-e-be-pīr ke saath

hāl-e-dil sunte nahīñ ye kah ke ḳhush kar dete haiñ
phir kabhī fursat meñ sun leñge kahānī aap kī

kuchh aage ālam-e-hastī se gūñjtā huuñ maiñ
ki dil se TuuTe hue saaz kī sadā huuñ maiñ

tajalliyāt kī tasvīr khīñch kar dil meñ
tasavvurāt kī duniyā basā rahā huuñ maiñ

aisā ho ki ik lamha merī bhī gavāhī de
aisā ho ki ik dil kā dastūr kiyā jā.ūñ

ba-pās-e-dil jise apne laboñ se bhī chhupāyā thā
mirā vo raaz tere hijr ne pahuñchā diyā sab tak

dil ko jaanā thā gayā ik fāltū sī chiiz thā
sīna-e-āshiq meñ yaaro dil kī gunjā.ish kahāñ

lagā ke ḳhūn-e-jigar kā Tiikā hai sāmne ġham ke sar-ba-sajda
sanam-parastī meñ tū bhī ai dil kisī barahman se kam nahīñ hai

tā-kujā nāla-e-ġhurbat ki chalī bād-e-shimāl
dil meñ phir zamzama-e-azm-e-safar taaza kareñ

aao phir 'josh' ko de kar laqab-e-shāh-e-suḳhan
dil-o-dīn-e-suḳhan o jān-e-hunar taaza kareñ

mirā dil ho gayā hai gardish-e-ayyām se vāqif
buland-o-past aalam phir rahe haiñ merī āñkhoñ meñ

mazāq-e-dil-barī hai ishq ke paiġhām se vāqif
tasavvur hai mirā khoyā huā sā terī āñkhoñ meñ

tujh se mil aa.e bahut pech bahut taab ke ba.ad
qarz utrā hī nahīñ dil kī pashemānī kā

'mīr' kī ek ġhazal sā dil-afroz
ik muqaddas kitāb jaisā ishq

zindagī kyūñkar kaTe be-shaġhl is piirī meñ aah
tum ko ab us naujavāñ se dil lagānā chāhiye

gum huā dil mire pahlū se ki paayā na gayā
shāyad us kūche meñ jā us se phir aayā na gayā

ba.ad ik umar ke kyā tujh se kahūñ ai 'ġhamgīñ'
hāl-e-dil us ne jo pūchhā to sunāyā na gayā

latīf aisī kuchh is dil kī shīsha-kārī thī
ki ek raat bhī ham ahl-e-dil pe bhārī thī

lahū kī aag meñ dil jhulsā jhulsā jaatā thā
darīcha khol ke dekhā to barf-bārī thī