Tags-Dil

uḌā diye ḳhas-o-ḳhāshāk-e-ārzū sar-e-rāh
bas ek dil ko tire iḳhtiyār meñ rakkhā

lahū meñ Doltī tanhā.ī kī tarah 'ḳhāvar'
tirā ḳhayāl dil-e-be-qarār meñ rakkhā

nazar aatā hai uThtā jaan se dil se dhuāñ mujh ko
dayār-e-ishq meñ rahnā hai ik bār-e-garāñ mujh ko

ham ne tanhā-nashīnī ḳharīdī to hai raunaq o shorish-e-anjuman bech kar
sham.a mehrāb-e-dil meñ jalā.ī to hai ārzūoñ kā apnī kafan bech kar

zehn-o-dil tafrīq ke qaa.il nahīñ
kyā karūñ apnā parāyā jaan kar

dil kī betābī kā āḳhir kahīñ anjām to hai
merī qismat meñ nahīñ dahr meñ ārām to hai

mā.il-e-lutf-o-karam husn-e-dil-ārām to hai
merī ḳhātir na sahī koī sar-e-bām to hai

harf-dar-harf mire dil meñ utart aayā hai
mujh se pahle mire ilhām ne dekhā us ko

hañste to gul-ruḳhoñ se haiñ misl-e-dahān-e-zaḳhm
lekin hai aable kī tarah dil dukhā huā

aañkh to ḳhud ko na.e chehroñ meñ kho kar rah ga.ī
dil magar us shaḳhs ke jaane se bojhal hai abhī

abhī ye jafā kā hai āġhāz ai dil
vafā ke abhī imtihāñ aur bhī haiñ

kahā jab se hai hāl-e-dil un se apnā
vo mujh se hue bad-gumāñ aur bhī haiñ

mujh se dillī kī nahīñ dil kī kahānī suniye
shahr to ye bhī ka.ī baar luTā hai mujh meñ

kaise dil lagtā haram meñ daur-e-paimāna na thā
is liye phir aa.e ka.abe se ki mai-ḳhāna na thā

maane gar koī nasīhat 'ārif'-e-dil-ḳhasta kī
bhuul kar bhī vāla-e-ātish-bajāñ koī na ho

huā hai abru-e-jānāñ se dil-e-betāb sad-pāra
muqābil ho nahīñ saktā dam-e-shamshīr se kāġhaz

raḳht-e-safar hai is meñ qarīna bhī chāhiye
āñkheñ bhī chāhiye dil-e-bīnā bhī chāhiye

daulat milī hai dil kī to rakkho sambhāl kar
is ke liye dimāġh bhī siina bhī chāhiye

dil kah rahā thā aur ghaḌī thī qubūl kī
makka bhī chāhiye hai madīna bhī chāhiye

jī ke zarar ko kaun uThātā hai āj-kal
is dil ko daad de ki mohabbat meñ aa gayā