Tags-Dil

falak se pūchhiye dariyā kā shor kuchh bhī hai
jo nikle dil se ye naale kidhar nahīñ jaate

aañkh har raah se chipkī hī chalī jaatī hai
dil ko har moḌ pe kuchh khoyā huā lagtā hai

dil jo ab shor kartā rahtā hai
kis qadar be-zabān thā pahle

ruuh larzāñ aañkh mahv-e-dīd dil kā naam thā
ishq kā āġhāz bhī shā.ista-e-anjām thā

mahv the gulzār-e-rañgā-rañg ke naqsh-o-nigār
vahshateñ thī dil ke sannāTe the dasht-e-shām thā

raunaq-e-bazm-e-jahāñ thā go dil-e-ġham-ghīñ 'firāq'
sard thā afsurda thā mahrūm thā nākām thā

dahan-e-yār ho aur māñge kisī se dil ko
vo jo māñge to ba-andāz-e-nihānī māñge

dil mirā bosa-ba-paiġhām nahīñ hai hamdam
yaar letā hai to le apnī zabānī māñge

sū-e-ka.aba chalūñ ki jānib-e-dair
is do-rāhe pe dil bhaTaktā hai

jis ko milnā nahīñ phir us se mohabbat kaisī
sochtā jā.ūñ magar dil meñ basā.e jā.ūñ

jo tire liye mire dil meñ thā jo mire liye tire dil meñ thā
mujhe yaad hai vo ġham-e-nihāñ tujhe yaad ho ki na yaad ho

mire dil ke jazba-e-garm meñ mire dil ke gosha-e-narm meñ
thā tirā maqām kahāñ kahāñ tujhe yaad ho ki na yaad ho

butoñ meñ koī bhalā.ī bhī hai sivā.e sitam
burā ho terā dil-e-nā-sazā kidhar aayā

tire baare meñ soche jā rahā huuñ
magar ab lag rahe haiñ dil ko jhaTke

ek to dil shā.irāna aur phir majrūh bhī
chain mujh ko aa.egā bas bāġhbānī dekh kar

duniyā laraz ga.ī dil-e-īzā-pasand kī
nā-āshnā-e-dard jo dard-āshnā huā

phir ai dil-e-shikasta koī naġhma chheḌ de
phir aa rahā hai koī idhar jhūmtā huā

dil meñ liye auhām ko is ghar se uThā maiñ
ḳhālī kahāñ but-ḳhāna-e-āzar se uThā maiñ

ahbāb meñ dil khol ke ab jashn manā le
le aaj tire sahn-e-muattar se uThā maiñ

thāmūñgā nahīñ ab ke munājāt kā dāman
dil tujh se uThā aur tire dar se uThā maiñ