Tags-Dil

koī dil-lagī dil lagānā nahīñ hai
qayāmat hai ye dil kā aanā nahīñ hai

duniyā kī nigāhoñ meñ bhalā kyā hai burā kyā
ye bojh agar dil se utar jaa.e to achchhā

nahīñ aisā bhī ki yaksar nahīñ rahne vaalā
dil meñ ye shor barābar nahīñ rahne vaalā

dil ne jazbāt-e-mohabbat se ziyā paa.ī hai
merī tanhā.ī bhī ik anjuman-ārā.ī hai

zaḳhm dil ke phir hare karne lagīñ
badliyāñ barkhā ruteñ purvā.iyāñ

mere dil kī dhaḌkanoñ meñ Dhal ga.iiñ
chūḌiyāñ mausiqiyāñ shahnā.iyāñ

bevafā.ī us ne kī merī vafā apnī jagah
ḳhūn-e-dil apnī jagah rañg-e-hinā apnī jagah

sharār-e-ġham kā jo hāmil nahīñ hai
vo dil sab kuchh to hai par dil nahīñ hai

dil mubtalā-e-lazzat-e-āzār hī rahā
marnā firāq-e-yār meñ dushvār hī rahā

lazzat vafā meñ hai na kisī kī jafā meñ hai
dildār hī rahā na dil-āzār hī rahā

sañg o aahan gudāz hote haiñ
us kā dil narm ho nahīñ saktā

aag se tifl-e-ashk Dartā hai
dil ke dāġhoñ ko dho nahīñ saktā

zarā sī baat hai dil meñ agar bayāñ ho jaa.e
tamām mas.ale iz.hār-e-hāl hī ke to haiñ

dil to jalā kiyā hai vo sho.ala sā aadmī
ab kis ko chhū ke haath bhī apnā jalā.ūñ maiñ

nazr-e-vatan phir ai dil dīvāna chāhiye
phir har qadam pe sajda-e-shukrāna chāhiye

zamāne kī be-rahmiyoñ ke tasadduq dimāġh-e-nashāt-o-alam hī nahīñ
dil apnā kare ārzu-e-jafā yā umīd-e-karam itnī fursat kahāñ

dil-e-har-shaiḳh-o-barhaman hai judā
kahīñ masjid kahīñ shivālā hai

chup rahūñ kyā maiñ sūrat-e-nāqūs
dil hai shaq jab laboñ pe naala hai

shāḳh se uḌ gayā parind hai dil-e-shām-e-dard-mand
sahn meñ hai malāl sā huzn sā āsmāñ meñ hai

dil ke āñgan meñ ubhartā hai tirā aks-e-jamīl
chāñdnī-rāt meñ ho raat kī raanī jaise