Tags-Dil

ḳhaak meñ dil ko milāte ho ġhazab karte ho
andhe ā.īne meñ kyā dekhoge sūrat apnī

jugnū kī tarah phirte haiñ taare mire dil meñ
kis soch meñ gum huuñ ye mire dhyān meñ kyā hai

yādoñ kī ghanī chhāñv hai yā ġham kī siyāhī
ashjār-sifat sehan-e-dil-o-jān meñ kyā hai

ḳhuun thūkā dil jalāyā naqd-e-jāñ qurbān kī
shahr-e-fan meñ maiñ rahā kitnā ḳhasārā-āshnā

pūchhte kyā ho fidā jaan kiyā kyuuñ maiñ ne
ishq apnā hai dil apnā hai tabī.at apnī

dil use de ke 'jamīla' maiñ abas kyuuñ rotā
us ne rakhne ko mujhe dī thī amānat apnī

ḳhāmoshi-e-hayāt se uktā gayā huuñ maiñ
ab chāhe dil hī TuuTe sadā chāhiye mujhe

mustaqil mahrūmiyoñ par bhī to dil maanā nahīñ
laakh samjhāyā ki is mahfil meñ ab jaanā nahīñ

ḳhud-farebī hī sahī kyā kījiye dil kā ilaaj
tū nazar phere to ham samjheñ ki pahchānā nahīñ

jī meñ jo aatī hai kar guzro kahīñ aisā na ho
kal pashemāñ hoñ ki kyuuñ dil kā kahā maanā nahīñ

kuchh to ho jaatī tasallī dil-e-pazhmurda ko
ghar kī vīrānī jo sāmān-e-tamāshā hotī

dil dasht hai vafūr-e-tamannā ġhubār hai
ai abr-e-nau-umīd tirā intizār hai

lab-basta dil-e-kushāda chaman meñ guzāriye
ye ġhunchagī kī rasm guloñ kā shi.ār hai

dil tujhe maut paḌī hai kaisī
kyuuñ hai bezār ghumā laatā huuñ

zehn-o-dil meñ pichhlī shab kī dāstāñ to saaf ho
jhilmilā.eñge sitāre āsmāñ to saaf ho

dil samajh legā ishāra aap kar ke dekhiye
shart hai lekin nigāhoñ kī zabāñ to saaf ho

kis tarah aa.e nazar 'bebāk' ab zaḳhm-e-jigar
rauzan-e-dil vā ho chashm-e-ḳhūñ-chakāñ to saaf ho

dil-o-jān-o-jigar qurbān maiñ ne kar diye saare
rulātī hī rahī akasr tirī begānagī mujh ko

ye kahāñ lagī ye kahāñ lagī jo qafas se shor-e-fuġhāñ uThā
jale āshiyāne kuchh is tarah ki har ek dil se dhuāñ uThā

parde meñ shab ke ham ne chhupā.e haiñ dil ke zaḳhm
ik tīrgī hai dard kā darmāñ kiye hue