Tags-Dil

uThtī thiiñ umañgeñ unheñ baḌhne na diyā phir
maiñ ne dil-e-nākām se ik kaam liyā hai

juz mashġhala-e-nāla o fariyād na thā kuchh
jo kaam ki dil se sahar o shaam liyā hai

thā terā ishārā ki na thā maiñ ne diyā dil
aur apne hī sar jurm kā ilzām liyā hai

zarā Thahro use aane do us kī baat bhī sun leñ
hameñ jo ilm hai go dil ko dahlāne hī vaalā hai

dil-o-dimāġh pe haavī rahā ġham-e-daurāñ
ḳhushī ke saath bhī rah kar mujhe ḳhushī na milī

kise dost apnā banā.eñ ham kise dil kā haal sunā.eñ ham
sabhī ġhair haiñ sabhī ajnabī tire gaañv meñ mire shahr meñ

chhoḌā na mujhe dil ne mirī jaan kahīñ kā
dil hai ki nahīñ māntā nādān kahīñ kā

ye vasl kī rut hai ki judā.ī kā hai mausam
ye gulshan-e-dil hai ki bayābān kahīñ kā

hai dil meñ agar us se mohabbat kā irāda
le lījiye dushman ke liye ham se vafā qarz

ġham-e-dil bhī jo rusvā-e-mazāq-e-ām ho jaa.e
to phir in dāstānoñ meñ hamārī dāstāñ kyuuñ ho

pyāloñ kī khanak se bhī jahāñ dil TuuT jaate haiñ
vahāñ chhāyā huā har bazm par ḳhvāb-e-girāñ kyuuñ ho

sukūn-e-dil gayā nazroñ se sab qatāre ga.e
chaman meñ khilte hue jab se phuul maare ga.e

rut mirī bastī ko is darja bhī bārānī na de
shahr-e-dil ke sabza-zāroñ ko ye vīrānī na de

naaz kartā huuñ aaj maiñ dil par
dil hai merā to aarzū tum ho

ḳhūn-e-dil-o-jigar se hai husn-e-ḳhayāl husn-e-fan
is ke baġhair sher kyā majmūa kyā kitāb kyā

terī hī be-ruḳhī se to TuuTā hai dil abhī abhī
ab iltifāt-e-be-mahl ho sake kāmyāb kyā

ham to chaman chaman ga.e dil na shagufta ho sakā
nasrīn-o-nastaran hai kyā laala hai kyā gulāb kyā

tum ko bhī rañj isī se hai ham bhī kuchh is se ḳhush nahīñ
aur ḳharāb is se bhī hogā dil-e-ḳharāb kyā

vo mire saath hai saa.e kī tarah
dil kī zid hai ki nazar bhī aa.e

tere māthe kī shikan pahle bhī dekhī thī magar
ye girah ab ke mire dil meñ paḌī ho jaise