Tags-Dil

zikr kuchh dil kā na kuchh baat tamannāoñ kī
ḳhushk āñkheñ hoñ maiñ īzā-e-fuġhāñ se chhūTūñ

hamāre dil kī umañgoñ kā haal mat pūchho
ab aisā bahr kī maujoñ meñ iztirāb kahāñ

āsmānoñ meñ kise DhūñD rahī huuñ 'sīmā'
vo to baiThā hai mire dil meñ ḳhudā hone ko

vāda-e-shām-e-fardā pe ai dil mujhe gar yaqīñ hī na aa.e to maiñ kyā karūñ
un kī jhūTī tasallī ke tūfān meñ nabz-e-dil Duub jaa.e to maiñ kyā karūñ

chaap ubhrī hai dil ke andar se
koī palkoñ pe aane vaalā hai

tū bhī is shahr kā baasī hai to dil se lag jā
tujh se vābasta hai ik yaad purānī merī

ham ne laakh samjhāyā dil magar nahīñ maanā
mutma.in sā lagtā hai kirchiyoñ meñ baT kar bhī

dasht-e-dil se jo uTThā ho ke sūrat-e-shabnam
rah gayā hai palkoñ par vo ġhubār chhaT kar bhī

pattharoñ ke tūfāñ meñ dil-numā gharoñdoñ ne
aazmā liyā āḳhir ḳhud ko aaj DaT kar bhī

halve ke liye phir aaj bhī ham ik aas lagā.e baiThe haiñ
jo baat zabāñ par lā na sake vo dil meñ chhupā.e baiThe haiñ

gum to honā thā ba-har-hāl kisī manzar meñ
dil huā ḳhvāb meñ gum aañkh huī aab meñ gum

har aan sitam Dhaa.e hai kyā jāniye kyā ho
dil-e-ġham se bhī ghabrā.e hai kyā jāniye kyā ho

is shola-rū ko laag hai har dil se kyā bujhe
hai sab gharoñ meñ aag barābar lagī huī

dil kī ḳhabar jo aatī hai har dam zabān par
rahtī hai dam kī Daak barābar lagī huī

soz-e-darūñ ne phūñk diyā jism o jaan o dil
ik aag hai kaleja ke andar lagī huī

bhūle haiñ zauq-e-mai se 'mazāq' apnī jaañ to kyā
dil se hai yād-e-sāqī-e-kausar lagī huī

rasm-e-duniyā to kisī taur nibhāte jaao
dil nahīñ milte bhī to haath milāte jaao

ik roz us ke dil meñ shaitān aa samāyā
phir kyā thā ḳhud-numā.ī ne sar bahut uThāyā

bachcho faqat kahānī hargiz ise na jaano
ye baat qīmtī hai dil se tum is ko maano

bhūle se bhī na hargiz dil meñ ġhurūr aa.e
kirdār bhī ho aisā sab ko surūr aa.e