Tags-Dil

nigāh o dil pe khulī haiñ haqīqateñ kaisī
ye dil udaas ziyāda hai shādmāñ kam hai

muusā kā haal dekh ke dil kāñpne lagā
ab to duā hai un se mirā sāmnā na ho

kaif-e-adā bhī hai nigah-e-pur-fitan ke saath
lagtī hai dil pe choT magar bāñkpan ke saath

ḳhaam hai merī mohabbat varna ye aalam na ho
vo ḳhalish bhī kyā ḳhalish hai dil meñ jo paiham na ho

jab bhī aa.e zaḳhm-e-dil ko aur taaza kar ga.e
aise ġham-ḳhvāroñ se behtar hai koī hamdam na ho

tū ne kis aisī nigāhoñ se azal meñ dekhā
aaj tak ḳhauf se dil kaañp rahā hai ai dost

yā ilāhī mirā dildār salāmat bāshad
vo valī nemat-e-dīdār salāmat bāshad

na rakhī dil meñ hamāre tama-e-ḳhām-e-visāl
rashk-e-aġhyār kā āzār salāmat bāshad

yaar kī mehr-o-muravvat pe na rakh dil 'hasrat'
ye tirā ishq kā iz.hār salāmat bāshad

ulajh rahā hai mirā baḳht phir mire dil se
hamārā kaise hai vo shaḳhs jo hamārā nahīñ

ham ahl-e-dil the so ye hādisa to honā thā
ki ahd vo bhī sahā hai jise guzārā nahīñ

zarā ruknā ki maiñ is bojh se āzād ho luuñ
ki tāq-e-dil meñ hai duniyā kā kuchh sāmān rakkhā

tanhā tumhīñ ho jin kī mohabbat kā aasrā
un bekasoñ ke dil kī duā ho ga.e ho tum

vo kaun hai ki jalātā hai dil meñ sham-e-umīd
phir apne haath se us ko bujhā bhī detā hai

sabhī sīnoñ meñ terī naubatoñ kī guuñj lekin
tirī dhun kā kisī dil kī navā-e-ḳhās honā

sehat dil-o-dimāġh baqā aur zindagī
in ne.amatoñ se duur rahe aah aadmī

jise inqalāb na chhū sakā use tū ne ḳhud hī miTā diyā
vahī ek dil kā sanam-kada jise ābrū-e-haram kaheñ

vahī dil-ḳharāsh sī ik nazar jo ba-qadr-e-zauq hai neshtar
use koī tarz-e-sitam kahe ham adā-e-pursish-e-ġham kaheñ

jo dil pe guzrīñ mohabbat ke ḳhaas lamhoñ meñ
hudūd-e-sharh-o-bayyañ meñ vo vāqi.āt nahīñ

nigāh-e-dost tirī dil-navāziyāñ ma.alūm
ḳhatā muaaf maiñ ḳhvāhān-e-iltifāt nahīñ