Tags-Dil

dil le ke bosa dete nahīñ aur ye kahte haiñ
apne parā.e meñ kahīñ charchā na kījiye

muñh pheriye na lāl-e-shakar khā ke bose se
dil apne talḳh-kām kā khaTTā na kījiye

maiñ to har mumkin use laatā rahā tere qarīb
kyā karūñ ai dil tirī taqdīr meñ tanhā.ī thī

uf ye mauj-e-tūfān-e-alam
haa.e dil kā safīna tanhā

dard jis meñ na ho vo dil kaisā
naaz jis meñ na ho shabāb nahīñ

jism kahtā hai ki ab jaañ se guzar hī jaao
dil ye kahtā hai ki ye rishta nibāho kuchh ho

do-chār din kī baat hai dil ḳhaak meñ mil jā.egā
jab aag par kāġhaz rakhā baaqī bachā kuchh bhī nahīñ

āñkhoñ se ḳhuun apne ye kahtā nahīñ na jaa.e
par saath us ke lipTā huā dil kahīñ na jaa.e

itnī to chāhiye tujhe pās-e-shikasta-dil
jo aave tere yaañ so vo andohgīñ na jaa.e

tazkire husn ke sun husn kā dil-dāda na ban
ba.az bātoñ ke to sunñe meñ mazā hotā hai

mudda.ā mahv-e-tamāshā-e-shikast-e-dil hai
ā.ina-ḳhāna meñ koī liye jaatā hai mujhe

hairat-e-fikr-e-suḳhan sāz-e-salāmat hai 'asad'
dil pas-e-zānū-e-ā.īna biThātā hai mujhe

jise le ga.ī hai abhī havā vo varaq thā dil kī kitāb kā
kahīñ āñsuoñ se miTā huā kahīñ āñsuoñ se likhā huā

mujhe hādsoñ ne sajā sajā ke bahut hasīn banā diyā
mirā dil bhī jaise dulhan kā haath ho mehñdiyoñ se rachā huā

maiñ use samjhūñ na samjhūñ dil ko hotā hai zarūr
laala o gul par gumāñ ik ajnabī tahrīr kā

jis dil ko tum ne lutf se apnā banā liyā
us dil meñ ik chhupā huā nashtar zarūr thā

kaale kaale vo gesū shikan-dar-shikan, vo tabassum kā aalam chaman-dar-chaman
khīñch lī un kī tasvīr dil ne mire, ab vo dāman bachā kar kidhar jā.eñge

koī to aa ke ginegā jarāhateñ dil kī
harā-bharā hameñ tāq-e-malāl rakhnā hai

sālik-e-rāh-e-vafā hai dil-e-āshufta-mizāj
muzhda-e-gumrahi-e-shauq-e-safar se pahle

mausam-e-kaif meñ be-kaifi-e-jazbāt na pūchh
dil-e-bulbul hai fasurda gul-e-tar se pahle