Tags-Dil

firāq meñ ḳhūn-e-dil haiñ piite sharāb ham le ke kyā kareñge
hamārā dil aap bhun rahā hai kabāb ham le ke kyā kareñge

jo un se kahtā huuñ yaar hāzir hai ye hamārā dil-e-shikasta
to hañs ke kahte haiñ naaz se vo janāb ham le ke kyā kareñge

samjhe the johd-e-ishq meñ ham surḳh-rū hue
dekhā magar to shīsha-e-dil chuur chuur thā

har lahza kamīñ dil meñ tirī yaad rahegī
bastī ye ujaḌne pe bhī ābād rahegī

mizāj ek nazar ek dil bhī ek sahī
muāmalāt-e-man-o-tū nikal hī aate haiñ

matā-e-ishq vo aañsū jo dil meñ Duub ga.e
zamīñ kā rizq jo aañsū nikal hī aate haiñ

vafā-o-mehr-o-altāf-o-karam the ham-ināñ kyā kyā
hue haiñ apne hī dil se magar ham bad-gumāñ kyā kyā

ye apnā dil jo ab āseb-e-ḳhāmoshī kā maskan hai
kabhī guzre the is suunī Dagar se kārvāñ kyā kyā

mil jaa.e koī sāthī har ġham ko sunā Dāleñ
bechain mirā dil hai pal bhar ko qarār aa.e

mad.hosh huā dil kyuuñ bechain hai kyuuñ āñkheñ
huuñ duur mai-ḳhāne se phir kyuuñ ai ḳhumār aa.e

jo mere lab nahīñ kahte mire ash.ār kahte haiñ
jo dil tahrīr kartā hai zabānī kaun kahtā hai

mujhe gañvā ke liyā dil ne sūjh-būjh se kaam
fuzūl-ḳharch kifāyat-shi.ār ho gayā thā

roz mahfil se uThāte ho to dil dukhtā hai
ab nikalvāo to phir hazrat-e-ādam kī tarah

ḳhauf dil se na gayā sub.h ke hone kā 'qamar'
vasl kī raat guzārī hai shab-e-ġham kī tarah

ham bhī apne nahīñ rahe ai dil
kis se shikva kareñ zamāne kā

ye fitrat husn kī hai vo taqāzā hai mohabbat kā
vo dil ko toḌne ke ba.ad samjhāne bhī aate haiñ

ai sharābī gazak to kartā hai
kuchh to kar dil meñ aur kabāb meñ farq

vahī yaksāniyat-e-shām-o-sahar hai ki jo thī
zindagī dast-ba-dil ḳhāk-basar hai ki jo thī

kis se milne jaao ab kis se mulāqāteñ karo
tum akele ho dil-e-tanhā se hī bāteñ karo

qaabū meñ dil ho to kaheñ shaidā na kījiye
apne ko apne haath se rusvā na kījiye