Tags-Dil

hai kaun dil kī adā-e-talab se nā-vāqif
baġhair naġhma laraztā hai taar kis kā hai

vahīñ par le chalī be-tābi-e-dil vāh-rī qismat
phirā kī sar paTaktī jis jagah merī duā barsoñ

kaun o makāñ se hai dil-e-vahshī kanāra-gīr
is ḳhānumāñ-ḳharāb ne DhūñDā hai ghar kahāñ

hotī nahīñ qubūl duā tark-e-ishq kī
dil chāhtā na ho to zabāñ meñ asar kahāñ

use chāheñ to aa.heñ
dil kī sab rāheñ dhueñ se tīra-o-tārīk kar Dāleñ

dil-jūī dildārī aa.ī
tum ko bhī ye ayyārī aa.ī

husn kī har ma.asūm nazar se
dil par zarb-e-kārī aa.ī

sub.h se dil masrūr hai 'sāhir'
raat ye ham par bhārī aa.ī

ik martaba dil pe iztirābī aa.ī
ya.anī ki ajal merī shitābī aa.ī

dushvār hai is anjuman-ārā ko samajhnā
tanhā na kabhī tum dil-e-tanhā ko samajhnā

ho jaa.e to ho jaa.e izāfa ġham-e-dil meñ
kyā aql se saudā-e-tamannā ko samajhnā

kis ke dil meñ bastā huuñ
aksar sochā kartā huuñ

ye dil hai merā so is kī gunjāniyat ke haiñ muḳhtasar kavā.if
tamām bastī tirā hī ghar hai tirī galī hai bahut bhalī hai

shab-e-hijr yuuñ dil ko bahlā rahe haiñ
ki din bhar kī biitī ko dohrā rahe haiñ

mire dil ke TukḌe kiye jā rahe haiñ
mohabbat kī tashrīh farmā rahe haiñ

ajab shai hai soz-o-gudāz-e-mohabbat
ki dil jalne meñ bhī maze aa rahe haiñ

zideñ tauba tauba haTeñ allāh allāh
hamīñ haiñ jo is dil ko bahlā rahe haiñ

raat badan yuuñ lau dete the jaise sandal jaltā ho
lekin dil-e-dīvāna chāhe aur bhī kuchh ho visāl ke ba.ad

gar socheñ to hijr-zadoñ ne yuuñ bhī paa.ī umr baḌī
uTThe dil meñ dard se pahle baiThe gard malāl ke ba.ad

vo mustaġhnī sahī par dil gayā hai
jo phir ho to unhīñ par kuchh gumāñ ho