English
Favourite
Favourite
UrduShayarUrduShayar
Expand menu
Sign inAccount

Tags-Dil

kotah na samajh āh-e-zaīfān ko ye tiir
sau baar dil-e-arsh se bhī paar huā hai
Ghazal
 shaiKH-e-haram us but ka parastar hua hai
ai said-fagan ġham se tire duurī ki merā
har zaḳhm-e-dil ik dīda-e-ḳhūñ-bār huā hai
Ghazal
 shaiKH-e-haram us but ka parastar hua hai
hastī tirī parda hai uThā de ise ġhāfil
kyuuñ aisā hijāb-e-ruḳh-e-dildār huā hai
Ghazal
 shaiKH-e-haram us but ka parastar hua hai
kholnī hai zabāñ qalam kī aaj
dil meñ uThtī fuġhāñ alag hai kuchh
Ghazal
 yun bhi mera bayan alag hai kuchh
juuñ nigah dil gayā hai ā.ankhoñ kī raah
garche ham ne nigāhbānī kī
Ghazal
 sarf-e-gham humne naujawani ki
apne nazdīk dard-e-dil maiñ kahā
tere nazdīk qissa-ḳhvānī kī
Ghazal
 sarf-e-gham humne naujawani ki
dil meñ jo aag lagī hai vo kahāñ bujhtī hai
raah shādāb sahī abr ghanerā hī sahī
Ghazal
 in ghaTaon mein ujale ka basera hi sahi
bhūlī-bisrī huī yādoñ kī ajab bhiiḌ hai jo
dil ke darvāze pe har shaam lagī hotī hai
Ghazal
 aankh har shab ko andheron ki qaba dhoti hai
chhup gayā chāñd añdherā hai bharī mahfil meñ
tum mire dil meñ utar jaao ujāloñ meñ raho
Ghazal
 kab kaha maine ki tum chahne walon mein raho
aur ab na aañkh na aañsū na dhaḌkaneñ dil meñ
tumhī kaho ki ye dariyā kabhī utarte the
Ghazal
 dukhi dilon mein, dukhi sathiyon mein rahte the
aap ke lutf meñ to shak hī nahīñ
dil ko kis baat kī shikāyat hai
Ghazal
 saf baaton mein to kudurat hai
dil huuñ so kisī chashm ke ehsān haiñ saare
hāthoñ se banāyā na sañvārā gayā mujh ko
Ghazal
 ek nind ki wadi se guzara gaya mujhko
bujhīñ sham.eñ to dil jalā.e haiñ
yuuñ añdheroñ meñ raushnī kī hai
Ghazal
 gham mein ek mauj sarKHushi ki hai
phir jo huuñ us ke dar pe nāsiya sā
maiñ ne ai dil tirī ḳhushī kī hai
Ghazal
 gham mein ek mauj sarKHushi ki hai
aur umDe haiñ aañkh meñ aañsū
jab kabhī us ne dil-dahī kī hai
Ghazal
 gham mein ek mauj sarKHushi ki hai
us ne to chiir diyā ahl-e-chaman ke dil ko
ab ke bal khaa.ī huī bād-e-sabā se tauba
Ghazal
 wada-e-ulfat-o-paiman-e-wafa se tauba
shikārī aa.e the dil meñ shikār-e-ārzū karne
magar is dasht meñ to ek aahū bhī nahīñ niklā
Ghazal
 ruKH-e-raushan ka raushan ek pahlu bhi nahin nikla
is musībat meñ dil se kyā kahtā
koī aisī misāl thī hī nahīñ
Ghazal
 charKH se kuchh umid thi hi nahin
TuuTe taare saikḌoñ yuuñ qudsiyoñ ke dil hile
dard se jis vaqt ham tum ko pukāre raat ko
Ghazal
 bagh mein jugnu chamakte hain jo pyare raat ko
saaf karvaT lene kī āvāz aa.ī kaan meñ
sū-e-dil jab jhuk ke ham tum ko pukāre raat ko
Ghazal
 bagh mein jugnu chamakte hain jo pyare raat ko
Top Urdushayar.com