Tags-Dil

chain ik pal nahīñ hai 'ratan'
jab se dil kā lagānā huā

aañkh jo dekhegī dil us ko nahīñ mānegā
dil jo dekhegā vo ā.ankhoñ meñ ubhar aa.egā

us ghaḌī kyā kaifiyat dil kī thī kuchh ham bhī suneñ
tū ne pahlī baar jab dekhā hameñ kaisā lagā

jazb-e-kāmil se use khīñch lo ai hazrat-e-dil
kaise darvesh ho kuchh tum meñ karāmat bhī nahīñ

kabhī 'āsī' se ham-āġhosh na dekhā tujh ko
asar-e-jazba-e-dil ahl-e-mohabbat bhī nahīñ

nisbat hī nahīñ koī mohabbat ko ḳhirad se
ai dil kabhī mafhūm-e-mohabbat na samajhnā

vīrānī-e-māhaul ko barbādī-e-dil ko
har daur meñ āsār-e-mohabbat na samajhnā

pahle to mohabbat rafta rafta hosh-o-ḳhirad ko khotī hai
phir yaad kisī kī aa aa kar kāñTe se dil meñ chubhotī hai

ummīd se rishta TuuT gayā tum kyā chhūTe dil chhūT gayā
armānoñ kī baḌhtī khetī ko sail-e-yās Dubotī hai

dil ek na ik din jaanā thā ye din bhī āḳhir aanā thā
'tālib' tum is kā ġham na karo ye chiiz parā.ī hotī hai

ālimāñ aur ābidāñ kī bandagī sab qīl-o-qāl
āshiqāñ ke dil meñ raushan jo ki maḳhfī raaz hai

bul-havas ko sham.a se dil bāñdhnā mumkin nahīñ
āshiqāñ kā is sabab zāhid sadā aġhmāz hai

ḳhair o shar suuñ āshiqāñ be-dil nahīñ aur būjhte
rañj o rāhat ishq meñ ma.ashūq kā sab naaz hai

vo mere dil se aksar khelte haiñ
zahe-qismat khilaunā ho gayā huuñ

maiñ apne hisse ke manzar ujālne se rahā
ye āgahī to bahut dil-figār hotī hai

ab us se baḌh ke bhī vāraftagī-e-dil kyā ho
ki tujh ko ziist kā hāsil banā ke bhuul gayā

dil-o-jigar haiñ ki garmī se pighle jaate haiñ
koī charāġh-e-tamannā jalā ke bhuul gayā

ye jo shīsha hai dil-numā mujh meñ
TuuT jaatā hai bār-hā mujh meñ