Tags-Dil

ishq baat kartā hai dil tavāf kartā hai
ird-gard phirne se āshiqī nahīñ hotī

shor hai is ghar ke āñgan meñ 'zafar' kuchh roz aur
gumbad-e-dil ko kisī din be-sadā kar jā.ūñgā

bādal ko lagī khilte baraste kuchh der
dil ko na lagī ujaḌte baste kuchh der

dil meñ zaḳhm ashkoñ meñ ḳhuuñ sūrat ba-bīñ-ālam-mapras
vo nigah uf vo mizha nāvak chhupā nashtar khulā

dil meñ terā dhyān ik muddat rahā begāna-vār
khulte hī khulte khulā aur kyā hī sharmā kar khulā

talḳhi-e-zīst kī shiddat kā taqāza hai yahī
zehn o dil meñ jo masāfat hai ghaTā dī jaa.e

ḳhāk-e-sahrā to bahut duur hai ai vahshat-e-dil
kyuuñ na zehnoñ pe jamī gard uḌā dī jaa.e

yaqīn hotā nahīñ shahr-e-dil achānak yuuñ
badal gayā hai kisī ajnabī ke aane se

dil ke qabristān kā yāroñ kyā kahnā
lāsheñ bas jazbāt kī is meñ paltī haiñ

nahīñ is kā ta.ajjub yaaro agar mire dil meñ dard ho rah rah kar
kare ġhaflat īsī-e-daurāñ jab tū na bāñdhe kyūñ-kar daur maraz

dar-ba-dar kyuuñ DhūñDhtā phirtā hai nādīda sanam
apne dil ke aa.ine par ik nazar kar raqs kar

is zamīñ par jism-e-ḳhākī zehn-o-dil ho arsh par
yuuñ kabhī 'zākir' riyāzat meñ bikhar kar raqs kar

ab dayār-e-dil meñ 'aḳhtar' hū kā aalam bhī nahīñ
kis aziyyat-nāk mausam se mirī yaarī huī

ḳhatm is tarah nazā-e-haq-o-bātil ho jaa.e
ik taraf donoñ jahāñ ek taraf dil ho jaa.e

dil meñ vo shorish-e-jazbāt vo garmī na rahī
ab ye shāyad nigah-e-dost ke qābil ho jaa.e

do-jahāñ tark-e-mohabbat meñ kiye tere liye
aur bezār jo tujh se bhī mirā dil ho jaa.e

tire qadmoñ kī nisbat ko jabīn-e-ḳhalq kyā samjhe
koī pūchhe mire dil se ki sañg-e-dar tirā kyā hai