Tags-Dil

māthe pe paḌī zulf-e-girah-gīr hilā dī
kyuuñ tum ne dil-e-ḳhufta kī zanjīr hilā dī

vo zalzala go roz hilā detā thā dil ko
is baar magar saarī hī ta.amīr hilā dī

ġhazab hai justujū-e-dil kā ye anjām ho jaa.e
ki manzil duur ho aur rāste meñ shaam ho jaa.e

abhī to dil meñ halkī sī ḳhalish mahsūs hotī hai
bahut mumkin hai kal is kā mohabbat naam ho jaa.e

jo merā dil na ho 'sherī' harīf un kī nigāhoñ kā
to duniyā bhar meñ barpā inqalāb-e-ām ho jaa.e

ek dilkash zahr se labrez paimāne kā naam
zindagī kyā hai ḳhushī se jal ke mar jaane kā naam

taqdīr meñ izāfa-e-soz-e-vafā huā
dil meñ jo tum ne aag lagā dī to kyā huā

dil ke sahrā ko samundar se bachā le maulā
is qadar sahl na kar tū mirī dushvārī ko

jab aadmī mudd.ā-e-haq hai to kyā kaheñ mudda.ā kahāñ hai
ḳhudā hai ḳhud jis ke dil meñ pinhāñ vo DhūñDhtā hai ḳhudā kahāñ hai

paḌī hai sunsān dil kī vaadī akelā mahv-e-talāsh huuñ maiñ
ki ishq ke rāh-rau kidhar haiñ vafāoñ kā qāfila kahāñ hai

dil us kā na loTe kabhī phūloñ kī safā par
shabnam ko dikhā duuñ jo tire gaat kā aalam

vo kahe zarā kuchh to dil ko kyā kyā ḳhalal satā.e
ki na jaane us kī hai baat meñ kyā ḳharāb sā kuchh

ġhamoñ ke fiil na Dhā deñ kahīñ ye ka.aba-e-dil
so ham duā-e-abābīl karnā chāhte haiñ

aañsū bahā rahā hai vo soz-e-dil pe mere
ḳhud hī lagā ke zālim ḳhud hī bujhā rahā hai

dil rahā pā-e-band-e-ulfat-e-dām
thī abas aarzū rihā.ī kī

dil bhī pahlū meñ ho to yaañ kis se
rakhiye ummīd dilrubā.ī kī

is ishq meñ na pūchho hāl-e-dil-e-darīda
tum ne sunā to hogā vo sher 'mus.hafī' kā

dil ke dāġhoñ ko chhupāyā to ubhar aa.e aur
rāzdārī hī ne yuuñ khol diye raaz ki bas

ḳharāb-o-ḳhasta hue ḳhaak meñ shabāb milā
hameñ ye dil na milā jaan kā azaab milā

gayā jo dil to milā dāġh-e-ārzū mujh ko
ik āftāb jo khoyā ik āftāb milā