Tags-Dil

qarār dil kā ye kaahe ko Dhañg thā aage
hamāre chehre ke uupar bhī rañg thā aage

kyā thā naqd-e-jāñ apnā nisār is vāste tum par
ki be-taqsīr yuuñ dil meñ rakhoge tum girah ham siiñ

ba.ad meñ dil se ga.ī shīrīnī
zahr duniyā ne bharā thā pahle

talātum hai umīdoñ kā tasādum ārzūoñ kā
dil-e-hañgāma-parvar kaun terā rāzdāñ hogā

kabhī taufīq tark-e-mā-sivā kī ho hī jā.egī
dil-e-āzād hogā aur aish-e-jāvedāñ hogā

apne hī TuuTe khilaunoñ se 'ra.īs'
zindagī bhar dil ko bahlātā rahā

ye raah chalne meñ chanchalāhaT ki dil kahīñ hai nazar kahīñ hai
kahāñ kā ūñchā kahāñ kā nīchā ḳhayāl kis ko qadam kī jā kā

jo shakl dekho to bholī bholī jo bāteñ suniye to mīThī mīThī
dil aisā patthar ki sar aḌā de jo naam liije kisī vafā kā

jis ne barbād kiyā mā.il-e-fariyād kiyā
vo mohabbat abhī is dil meñ javāñ hai saaqī

har chaman dāman-e-gul-rañg hai ḳhūn-e-dil se
har taraf shevan-o-fariyād-o-fuġhāñ hai saaqī

chhalnī yūñhī dil hai nīsh-e-ġham se
mizhgāñ kī na barchhiyāñ sambhāloñ

holī na.e qumqumoñ se khelo
par ḳhūn-e-dil-e-āshiqāñ uchhālo

ye dil jo vāqif-e-asrār-e-do-jahāñ niklā
ḳhushā-nasīb ki ye ḳhud se ajnabī bhī hai

surūr ishq kā hai zarf-e-dil pe dār-o-madār
ye dā.imī sā nasha bhī hai aarzī bhī hai

hujūm-e-ġham ke añdhere bhī dil meñ haiñ lekin
kisī kī yaad kī ujlī sī raushnī bhī hai

isī kaukab kī tābānī se hai terā jahāñ raushan
zavāl-e-ādam-e-ḳhākī ziyāñ terā hai yā merā

dil meñ dard sā uThtā hai
dard meñ Duube jaate haiñ

na sanam-kadoñ kī hai justujū na ḳhudā ke ghar kī talāsh hai
mire dil meñ bhar de jo bijliyāñ mujhe us nazar kī talāsh hai

hadīs-e-dil bayāñ karne meñ kitnī der lagtī hai
kisī ko rāzdāñ karne meñ kitnī der lagtī hai

koī hai jis ke dil meñ aaj tak ham ghar na kar paa.e
kisī ko mehrbāñ karne meñ kitnī der lagtī hai