Tags-Dil

zehn ko shaffāf dil ko paak rakh
ā.inoñ se tū ulajhnā chhoḌ de

yaañ zaḳhmī-e-nigāh ke jiine pe harf hai
hai dil par apne zaḳhm ki siine pe harf hai

dil meñ ḳhush aa.ī haiñ sahrā kī babūleñ pur-ḳhār
ab kisī sarv-e-gul-andām se kuchh kaam nahīñ

apne ārām se huuñ dasht-e-junūñ meñ tanhā
kisī mahbūb-e-dil-ārām se kuchh kaam nahīñ

dekhā jo qadr ġham kī nahīñ hai jahān meñ
le kar vo biij dil meñ mohabbat se bo liye

likkhā huā thā kal bhī vafā ke mazār par
aa.e ho dar pe dil ke to haule se kholiye

dekhā jo dil ko chup to vafāoñ ne ye kahā
itnī tavīl shab hai are kuchh to boliye

pāmāl kar ke pūchhte haiñ kis adā se vo
is dil meñ aag thī mire talve jhulas ga.e

rabt ko chāhiye yak naua kī jinsiyyat yaañ
chashm-e-bīmār use hai dil-e-ranjūr hameñ

milne ko tujh se dil to mirā be-qarār hai
tū aa ke mil na mil ye tirā iḳhtiyār hai

tum zaḳhm-e-dil kī mere ḳhabar pūchhte ho kyā
tīr-e-nigāh dil ke to ab vār-pār hai

ai shahsavār us ko bhī kar le tū ab shikār
ye said-e-dil bhī umr se umīd-vār hai

ye kis ke dil ko chhīn ke karte haiñ pā.emāl
in zālimoñ kā aah yahī kārobār hai

'āsif' ḳhudā ke vāste mat de butoñ ko dil
ye vo haiñ jin ke qaul kā kyā e'tibār hai

vo agar ab bhī koī ahd nibhānā chāhe
dil kā darvāza khulā hai jo vo aanā chāhe

ain mumkin hai use mujh se mohabbat hī na ho
dil bahar-taur use apnā banānā chāhe

dil ko ehsās ke us moḌ pe laa.ī hai hayāt
ab na merī hai ḳhushī aur na ġham merā hai

na pūchho dil se us kī raah kā haal
sivā-e-ishq maz.hab kuchh nahīñ hai

pas-e-dil ab kahāñ ābādī-e-dahr
jo sab kuchh thā vahī sab kuchh nahīñ hai

har sadā sun ke dil dhaḌaktā hai mujh ko ḳhāmoshiyoñ se dahshat hai
kyā karūñ sāmnā jahān kā ab jab maiñ parchhā.iyoñ se Dartā huuñ