Tags-Dil

kyā kabhī bevafā vo niklegā
dil ne jhaT se kahā nahīñ shāyad

nichhāvar but-kade par dil karūñ ka.aba to kosoñ hai
kahāñ le jā.ūñ itnī duur qurbānī mohabbat kī

ab charāġhoñ meñ zindagī kam hai
dil jalāo ki raushnī kam hai

dil phañs gayā hai aap kī zulfoñ meñ hamārā
haiñ banda-e-be-dām tumhāre ka.ī din se

gul ke mānind chaak chaak ho dil
itnā shā.ista-e-bahār karo

dāġh-e-dil ham ko yaad aane lage
log apne diye jalāne lage

yahī rasta hai ab yahī manzil
ab yahīñ dil kisī bahāne lage

hai vo āvāz-e-shikast-e-dil-e-gītī jis ko
jaras-e-qāfila-e-umr-e-ravāñ kahtā huuñ

chhoTe chhoTe hoTaloñ meñ shahr ke
muztarib dil kī tasallī ke liye

kuchh havā kuchh dil dhaḌakne kī sadā
shor meñ kuchh sun nahīñ paatā huuñ maiñ

na pūchho jaan par kyā kuchh guzartī hai ġham-e-dil se
qarār aanā kahāñ kā saañs bhī aatī hai mushkil se

dil-e-betāb paatā hai sukūñ kab josh-e-ulfat meñ
ye dariyā maujzan ho ho ke Takrātā hai sāhil se

duniyā ye dukhī hai phir bhī magar thak kar hī sahī so jaatī hai
tere hī muqaddar meñ ai dil kyuuñ chain nahīñ ārām nahīñ

zaḳhm-e-dil achchhā huā pahlū badal jaane ke ba.ad
dil kī dhaḌkan miT ga.ī aañsū nikal jaane ke ba.ad

zehn-o-dil meñ kuchh na kuchh rishta bhī thā
ai mohabbat maiñ kabhī yakjā bhī thā

chhupā gayā thā mohabbat kā raaz maiñ to magar
vo bhol-pan meñ suḳhan dil kā aam kar baiThā

mujhe hairat hai apne dil pe kitnī
ye merā saath ab tak de rahā hai

jis se use lagā.ūñ rūkhā hī ho mile hai
siine meñ jal kar az-bas dil ḳhaak ho gayā hai

ḳhudā-e-ḳhvāb ḳhema-zan thā aañkh meñ
so dil chaTaḳh rahā thā iztirāb se

ehsās kī talḳhiyoñ meñ Dhal kar
dil dard kā chāñd ban gayā hai