Tags-Dil

na vo dil hai ab na javāniyāñ na vo āshiqī kī kahāniyāñ
na vo ġham na ashk-fishāniyāñ na vo dard-e-dil kā nishāñ rahā

ye bahār-e-gulshan-e-āb-o-gil hai fanā asar to hoñ kyuuñ ḳhajil
vo gul-e-fasurda hai merā dil ki hamesha nazr-e-ḳhizāñ rahā

na sukūn-e-dil na qarār-e-jāñ na qayām-e-sabr koī zamāñ
ye sarishk-e-ġham kā hai kārvāñ ki yūñhī hamesha ravāñ rahā

vo charchā jī ke jhanjhaT kā huā hai
ki dil kā pāsbāñ khaTkā huā hai

yaqīnī hai ab is dil kī tabāhī
ye qarya raah se bhaTkā huā hai

gila is kā kareñ kis dil se 'ḳhālid'
ye dil kab ek chaukhaT kā huā hai

jur.at ai dil mai o miinā hai vo ḳhud-kām bhī hai
bazm aġhyār se ḳhālī bhī hai aur shaam bhī hai

jalā hai jism jahāñ dil bhī jal gayā hogā
kuredte ho jo ab raakh justujū kyā hai

kahāñ chale ho liye naqd-e-jān-o-dil 'sahbā'
ki kārobār-e-vafā shahr-e-dil-barāñ se uThā

azīzo dil na do yūsuf kī kar ke chaah kabhī
ki jā ke chaah meñ girte haiñ chaah ke maare

hazar kar āh-e-dil-e-nātavāñ se ai zālim
ki koh Tal ga.e haiñ barg-e-kāh ke maare

jahān-e-dil ai 'jahāñdār' ek din na basā
jafā-e-shāh-e-taġhāful-shi.ār ke maare

khilā rahī haiñ gul-e-zaḳhm dīda-o-dil meñ
karishma-sāz tirī dilsitāniyāñ pyāre

har ik taraf se lapaktā hai dil pe kauñdā sā
ki tere husn kī haiñ qahar-māniyāñ pyāre

diloñ se dil mile rahte the ġhurbatoñ meñ miyāñ
shikam kī aag bujhāne kahāñ pe aa ga.e haiñ

zamīñ pe apnī hī jal bujh ke ḳhaak ho jaate
ham apne dil ko jalāne kahāñ pe aa ga.e haiñ

hamāre zehn to maflūj the hī
hamāre dil bhī patthar ho ga.e haiñ

sabaq aisā paḌhā diyā tū ne
dil se sab kuchh bhulā diyā tū ne

tum se dekhe na ga.e ham se dikhā.e na ga.e
haa.e vo zaḳhm jo is dil se chhupā.e na ga.e

kar liyā yuuñ to har ik rañj gavārā lekin
aaj tak dil se tirī yaad ke saa.e na ga.e