Tags-Dil

dil to dil afa.i-e-gesū vo balā hai kāfir
is kā kaaTā koī af.ī bhī na paanī māñge

pur-nam āñkhoñ bojhal dil se kitnī baar vidā.ī lī
kitnā bojh liye phirte haiñ ham jaise banjāre log

bachpan kitnā pyārā thā jab dil ko yaqīñ aa jaatā thā
marte haiñ to ban jaate haiñ āsmān ke taare log

ḳhūn-e-dil meñ Duub jā.egā to lab par aa.egā
jis ko maiñ likhūñ vahī 'manzūr' harf-e-tar bane

chāndnī meñ ai dil ik ik phuul se
apne gul-ruḳhsār kī bāteñ kareñ

furqat meñ kār-e-vasl liyā vaah vaah se
har āh-e-dil ke saath ik armāñ nikal gayā

hai ek dil ko ijāzat yahāñ dhaḌakne kī
hathelī aur hinā kā mo.āmla hai huzūr

aaj bhī tere liye sozish-e-ġham kam to nahīñ
zaḳhm-e-dil par tire hamdam koī marham to nahīñ

chāñdnī-rāt ke va.ade bhī vafā hote haiñ
ai ġham-e-dil ye sabab lā.eq-e-mātam to nahīñ

na tirī adā meñ vo dilkashī na mirī ġhazal meñ vo tāzgī
vo ġhubār-e-vaqt meñ dab ga.ī jo kashish thī husn-o-jamāl meñ

ḳhabar nahīñ ka.ī din se vo diq hai yā ḳhush hai
ḳhushī tabhī ho ki jab sun luuñ dil-rubā ḳhush hai

magar hai us kī ināyat to ġham nahīñ kuchh bhī
vo mujh se ḳhush rahe bas phir to dil mirā ḳhush hai

maiñ ek ġham nahīñ sau jaan par uThā lūñgā
mire satāne se kah de ki dil tirā ḳhush hai

use samjhā-bujhā ke ham to haare
na aayā dil ye qaabū meñ hamāre

hifāzat karte haiñ ham shahr-e-dil kī
kahīñ sote koī shab-ḳhūñ na maare

hameñ shikast-e-harīfāñ kā bhī malāl rahā
shikasta-dil jo ham us bazm-e-dil-nashīñ se chale

sāz-e-hastī meñ vo soz-e-abadī paidā kar
dil ke TuuTe hue tāroñ se bhī jhankār aa.e

dil hai ajiib gul chaman-e-rozgār meñ
rañgat to phuul kī hai magar bū vafā kī hai

ba-sad-yaqīn baḌhe hadd-e-gumāñ se lauT aa.e
dil o nazar ke taqāze kahāñ se lauT aa.e

na dil meñ ab vo ḳhalish hai na zindagī meñ taḌap
ye kah do phir mire dard-e-nihāñ se lauT aa.e