Tags-Dil

tajallī ḳhud bhī parda hai magar jab dil se dekheñge
ba-har-sūrat nigāhoñ meñ vo sūrat hū-ba-hū hogī

nazar kā mudda.ā dil kī tamannā kaun dekhegā
vo jān-e-ārzū hogā to kis ko aarzū hogī

us ke kūche se sabā gar idhar aa jaatī hai
dil ke nāloñ kī mufassal ḳhabar aa jaatī hai

mere hote hī tumheñ ġhair se thī karnī baat
dil meñ kuchh kuchh phir isī baat par aa jaatī hai

ye jo manzar haiñ baḌe kyuuñ haiñ mirī āñkhoñ se
ye jo duniyā hai mire dil ke barābar kyuuñ hai

aap ke mahram asrār the aġhyār ki ham
dil-e-ġhamnāk ke tum rahte the ġham-ḳhvār ki ham

un ko ehsās-e-dard-e-dil kaisā
mar bhī jā.ūñ to aañkh tar na kareñ

mire siine meñ dil hai yā koī shahzāda-e-ḳhud-sar
kisī din us ko tāj-o-taḳht se mahrūm kar dekhūñ

laboñ se mohabbat kā jaadū jagā ke bharī bazm meñ sab se nazreñ bachā ke
nigāhoñ ke raste se dil meñ samā ke kisī ne tumheñ bhī churāyā to hogā

paiham udāsiyoñ se bayābāñ hai zindagī
dil meñ bahār ho to gulistāñ hai zindagī

tumhāre diid kī hasrat bahut mushkil se niklegī
duā ban kar shab-e-ġham vo hamāre dil se niklegī

dikhā.egī mohabbat ek din un ko asar apnā
samā.ī dil meñ jo un ke vo mere dil se niklegī

tasavvur jānib-e-dil chāhiye majnūñ tujhe karnā
tū jis lailā kā āshiq hai vo is mahmil se niklegī

zabāñ se nāla-o-fariyād karnā hai abas terā
'jamīla' vo duā kaam aa.egī jo dil se niklegī

ham vahāñ pahle rah chuke haiñ 'salīm'
tum ne jis dil meñ ab sukūnat kī

kahāñ ḳhāk-e-madīna aur kahāñ ḳhākistar-e-dil
kahāñ kā phuul thā lekin kahāñ par aa khilā hai

kabhī dil par girī thī shabnam-e-ism-e-mohammad
mirī har saañs meñ kaliyoñ kā majmua khilā hai

yahī rauzan banegā ek din dīvār-e-jāñ meñ
mire dil meñ nidāmat kā jo ik lamha khilā hai

bikhartā jā rahā hai duur tak rañg-e-judā.ī
'zafar' kyā pūchhte ho zaḳhm-e-dil kaisā khilā hai

ik be-nām sī khoj hai dil ko jis ke asar meñ rahte haiñ
ham kāġhaz kī naav banā kar roz safar meñ rahte haiñ