Tags-Dil

ta.alluq ḳhaas hai dil ko ḳhayāl-e-rañj-o-rāhat se
kisī ko ham sharīk-e-ranj-o-rāhat kar nahīñ sakte

kiyā īmān taaza qāmat-e-dildār ne aisā
'safīr' ab ham bhī inkār-e-qayāmat kar nahīñ sakte

har tamannā dil se ruḳhsat ho ga.ī
aas kyā TuuTī ki fursat ho ga.ī

ab na chāheñge kisī ko bhuul kar
tum ko dil de kar nasīhat ho ga.ī

dil meñ hī rakhnī thī 'shañkar' dil kī baat
muñh se niklī to shikāyat ho ga.ī

ḳhud-kushī kī mire dil ne mujhe dī hai tarġhīb
jab kisī ġhair kā ehsān liyā hai maiñ ne

zindagī mujh se bachāne lagī dāman 'anjum'
jab ġham-e-dil ko farāmosh kiyā hai maiñ ne

ġham itne apne dāman-e-dil se lipaT ga.e
tujh se bichhaḌ ke ham ka.ī qistoñ meñ baT ga.e

gardish-e-baḳht se baḌhtī hī chalī jaatī haiñ
mirī dil-bastagiyāñ zulf-e-girah-gīr ke saath

baat is dil ke dard kī yaaro
guftugū meñ nidān paḌtī hai

dil se pūchhā ye maiñ ki ishq kī raah
kis taraf mehrbān paḌtī hai

vo jo sūrat thī saath saath kabhī surḳh mahke gulāb kī sūrat
us kī yādeñ utartī rahtī haiñ zehn-o-dil pe azaab kī sūrat

jab kabhī terā naam lete haiñ
dil se ham intiqām lete haiñ

tere lab ke huqūq haiñ mujh par
kyuuñ bhulā duuñ maiñ dil se haqq-e-namak

chashm o abrū kī ye sāzish jigar o dil ko naved
ek kā tiir chale ek kī talvār chale

mohabbat kī havā-e-dil-rubā se jhuuT bolegī
hasīñ kāzib hai vo ahl-e-vafā se jhuuT bolegī

ashk do-chār bahā luuñ to chale jā.iyegā
ātish-e-dil ko bujhā luuñ to chale jā.iyegā

hasrat-e-dīd miTā luuñ to chale jā.iyegā
husn ko dil meñ basā luuñ to chale jā.iyegā

ḳhātir-e-dost ke unvāñ kī vazāhat kar ke
ik zarā dil ko manā luuñ to chale jā.iyegā

dil jo taḌpā.e mujhe dekhne aa jaa.eñ aap
jazb is darja baḌhā luuñ to chale jā.iyegā