Tags-Dil

ab to ai dil havas-e-sāġhar-o-mīnā na karo
chhoḌ bhī do ye taqāzā ye taqāzā na karo

dil pe ai dost qayāmat sī guzar jaatī hai
tum nigāh-e-ġhalat-andāz se dekhā na karo

phir bhī āñkheñ unheñ har baat batā detī haiñ
dil to kahtā hai kisī baat kā charchā na karo

mile to ham aaj bhī haiñ lekin
na mere dil meñ vo tishnagī thī

dil-lagī aap se kī ḳhalq meñ badnām hue
nek-nāmī ye kamā.ī hai ilāhī tauba

chaah kar tum ko bhalā aur ko kyūñkar chāhūñ
vaah kyā dil meñ samā.ī hai ilāhī tauba

le ga.e chhīn ke dil mail nahīñ chitvan par
kitnī diida meñ safā.ī hai ilāhī tauba

salāmat hai sar to sirhāne bahut haiñ
mujhe dil-lagī ke Thikāne bahut haiñ

karo dil ke vīrāne kī kunj-kāvī
dabe is khañDar meñ ḳhazāne bahut haiñ

manzil-e-rah-ravāñ duur bhī dushvār bhī hai
koī is qāfile meñ qāfila-sālār bhī hai

pīr-e-mai-ḳhāna ye kahtā hai ki aivān-e-farañg
sust-buniyād bhī hai ā.īna-dīvār bhī hai

phir ek baar luTānā hai kārvāñ dil kā
qadam ko phir se tirī rahguzar meñ rakkhā hai

vahī ek sach thā aur us ke baa'd kī saarī tohmateñ jhuuT haiñ
mire dil ko puurā yaqīn hai vo mohabbatoñ kā amiin thā

tujhe kis tarah se ḳhabar huī ki mirī hayāt sañvar ga.ī
zarā apne dil se to pūchh le ye gumān thā ki yaqīn thā

ḳhayāl-e-tark-e-mohabbat bajā sahī lekin
ab apne dil pe hameñ iḳhtiyār bhī to nahīñ

aañkh uThā.ī hī thī ki khaa.ī choT
bach ga.ī aañkh dil pe aa.ī choT

dard-e-dil kī unheñ ḳhabar kyā ho
jāntā kaun hai parā.ī choT

aa.ī tanhā na ḳhāna-e-dil meñ
dard ko apne saath laa.ī choT

yuuñ na qātil ko jab yaqīñ aayā
ham ne dil khol kar dikhā.ī choT

aur kyā karte ham balā-kash-e-ġham
jo paḌī dil pe vo uThā.ī choT