Tags-Dil

jā.eza dil kā agar lo to vafā se ḳhālī
shakl dekho to namak-ḳhvār nazar aate haiñ

kyuuñ kisī se vafā kare koī
dil na maane to kyā kare koī

hazāroñ rañj-e-dil de de ke māshūqoñ ko jhele haiñ
ye pāpaḌ kis ne bele haiñ ye pāpaḌ maiñ ne bele meñ

apnī ḳhuddārī salāmat dil kā aalam kuchh sahī
jis jagah se uTh chuke haiñ us jagah phir jaa.eñ kyā

shāyad vo sañg-dil ho kabhī mā.il-e-karam
sūrat na de yaqīn kī is ehtimāl ko

us kī yādoñ ke parindoñ ko uḌā kar 'az.har'
dil se ab dard kā ik ek shajar kāTte haiñ

dil-e-tabāh kī īzā-parastiyāñ ma.alūm
jo dastaras meñ na ho us kī justujū karnā

tābāñ jo nūr-e-husn ba-sīmā-e-ishq hai
kis darja dil-pazīr tamāshā-e-ishq hai

maiñ kyā huuñ ek zarra-e-sahrā-e-ishtiyāq
dil kyā hai ek qatra-e-dariyā-e-ishq hai

zāhir hai be-qarāri-e-paiham se hāl-e-dil
bekār ham ko dāvā-e-iḳhfā-e-ishq hai

dil kī safā ho jāma-e-hastī meñ jalva-gar
jeb-e-sahar ugā.ūñ qabā-e-hayāt meñ

hastī kī qaid se dil-e-betāb chhup gayā
machhlī na Thahrī bāzū-e-sham-e-hayāt meñ

firāq-e-lab-o-zulf par munhasir kam hī paa.ī hai ahl-e-vafā kī taḌap
tum āġhosh ke tañg halqe meñ ho phir bhī har lamha afzūñ hai dil kī jalan

mire pyaar ko ik na.e moḌ par dekh kar yuuñ mirī jaañ ta.ajjub na kar
badalte rahe haiñ badalte raheñge zamāne ke hamrāh dil ke chalan

aa.ī hai tavīl hijr kī shab
ye dil sar-e-shām jal gayā hai

ye dard-e-dil to hāsil-e-umr-darāz hai
maiñ is ko apnī zaat se kyuuñ kar judā karūñ

na ġham-e-dil ke hī bas ke na ġham-e-daurāñ ke
itne āzād hue tere giraftār ki bas

allāh re terī tundi-e-ḳhū jis ke biim se
ajzā-e-nāla dil meñ mire rizq-e-ham hue

chhoḌī 'asad' na ham ne gadā.ī meñ dil-lagī
saa.il hue to āshiq-e-ahl-e-karam hue