Tags-Dil

dil-e-kā.enāt taḌap uThā vo shu.ūr-e-naġhma atā kiyā
jo sadā-e-sāz-e-hayāt se mire sāz-e-dil kī sadā milī

jo zamāna bhuul gayā to kyā ki chalan yahī hai zamāne kā
magar un ke dil pe likhī huī mirī dāstān-e-vafā milī

ham samajh paa.e na 'fartāsh' mizāj-e-ḳhūbāñ
dil churā.eñ to kabhī āñkheñ churāne lag jaa.eñ

ronā yahī hai mujh ko terī jafā se har-dam
ye dil-dimāġh donoñ kab tak vafā kareñge

'nasīm' taaza havā ne diyā thā mujh ko payām
ġhubār dil pe jo chhāyā thā chhaTne vaalā thā

maar do mujh ko rahm-dil ho kar
kyā ye kār-e-savāb karte ho

kahāñ mumkin hai poshīda ġham-e-dil kā asar honā
laboñ kā ḳhushk ho jaanā bhī hai āñkhoñ kā tar honā

jigar meñ dard lab par nāla-e-vahshat asar honā
ayaañ kartā hai ik rashk-e-parī kā dil meñ ghar honā

ġhazab nāla-kashī ik sahib-e-ismat ke kūche meñ
sitam ai dil kisī parda-nashīñ kā parda-dar honā

vo un kā chupke chupke muskurānā ḳhuun rone par
vo merā dil hī dil meñ vāsif-e-rañg-e-asar honā

jo tanhā paas manzil dil ko shāyāñ hai mohabbat meñ
to āñkhoñ ko hai lāzim dīda-e-hasrat-nagar honā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ghuT na jaa.e dam kahīñ nafrat ke is māhaul meñ
kar liye ham ne muqaffal dil ke darvāze bahut

ham ne Thukrā.e na-jāne kitne āñkhoñ ke payām
mah-vashoñ ne ham pe khole dil ke darvāze bahut

chāra-farmā.ī-e-dil rasm-e-butāñ hai to sahī
abhī kuchh mehr-o-mohabbat kā nishāñ hai to sahī

jalva-e-dost ko samjhā nahīñ ye baat hai aur
jalva-e-dost muhīt-e-dil-o-jāñ hai to sahī

jāñ-sapārī daaġh katthā chūnā hai chashm-e-intizār
vāste mehmān ġham ke dil hai biiḌā paan kā

ye hālat hai ki kuchh pā kar ḳhushī dil ko nahīñ hotī
agar kuchh kho bhī jaatā hai to us kā ġham nahīñ hotā

gulshan pe hai ḳhizāñ kā tasallut to ġham nahīñ
dil meñ fareb-e-husn-e-bahārāñ sajā ke lā