Tags-Dil

chhupā.ūñ kaise 'vaqār' apne dil ke dāġhoñ ko
jo daaġh hai vahī raushan hai kyā kiyā jaa.e

dil meñ hamāre ek talātum sā hai bapā
ḳhāmosh haiñ ki zīnat-e-aḳhbār ham nahīñ

shoḳh kirnoñ ko dil-e-sīna-figārāñ samjhe
kahkashāoñ ko hasīñ shahr-e-nigārāñ samjhe

saaf dil saada mizāj aisī tabī.at paa.ī
ham to vaa.iz ko bhī ik banda-e-yazdāñ samjhe

soz-e-dil kah rahī hai mahfil meñ
sham.a merī zabān hai goyā

chhīne letī hai dil tirī tasvīr
vo adā hai ki jaan hai goyā

ek dal us meñ laakh zaḳhm-e-firāq
TūTā-phūTā makān hai goyā

jī bahalne ko log sunte haiñ
dard-e-dil dāstān hai goyā

dil meñ kaise vo be-takalluf haiñ
un kā apnā makān hai goyā

bevafā.ī pe marte haiñ ma.ashūq
dilrubā.ī kī shaan hai goyā

kis haal meñ us shoḳh se vābasta huā dil
sauġhāt meñ dene ko nahīñ sar ke sivā kuchh

vo kab kā bah gayā sab ḳhuun ho kar
lagā.egā koī dil kā patā kyā

unhīñ kī sī ye dil bhī kah rahā hai
misāl-e-chashm-e-jānāñ phir gayā kyā

daġhā dī ham ko dil le kar hamārā
yahī jurm-e-vafā kī thī sazā kyā

vo be-ḳhud pā ke 'zebā' ko ye bole
dil aayā aap kā merā gayā kyā

sañg-dil sāmne aatā hai to ye sochtā huuñ
aarzū husn kī dīvār se Takrā.ī hai

dil vo sahrā hai jahāñ hasrat-e-sāya bhī nahīñ
dil vo duniyā hai jahāñ rañg hai ra.anā.ī hai

ka.ī manziloñ se guzar ga.e to hameñ ye rāh-e-vafā milī
kahīñ dil milā kahīñ dard-e-dil kahīñ dard-e-dil kī davā milī

tumheñ yaad hai mire sāthiyo ki bichhaḌ ga.e the vahīñ se ham
tumheñ dard-e-dil kī davā milī mujhe dard-e-dil kī duā milī

nahīñ ġham jo mujh ko zamāne meñ koī ġham kī daad na de sakā
magar un ke dil pe likhī huī mirī dāstān-e-vafā milī