Tags-Dil

har nafas ā.īna-e-dil se ye aatī hai sadā
ḳhaak tū ho jā to hāsil ho jilā mere liye

yuuñ apne dil ke bojh ko kuchh kam kiyā gayā
ahd-e-visāl-o-hijr pe mātam kiyā gayā

imaam baara burūj baara anāsir-o-jism-o-rūh ai dil
yahī to sarkār-e-haq-ta.ālā kī haiñ mudār-ul-mahām tīsoñ

pyāsā mat jalā saaqī mujhe garmī siiñ hijrāñ kī
shitābī lā sharāb-e-ḳhām ham ne dil ko bhūnā hai

dil hai apnā na ab jigar dar-pesh
hai tirī chashm-e-mo'atabar dar-pesh

kyā dekhtā hai ai dil-e-mushtāq-e-dīd ab
ham ne to kah diyā thā ḳhabar-dār dekh kar

dast-e-vafā se dāman-e-dil ko chhuḌā liyā
ahl-e-havas ne ishq ko dushvār dekh kar

ik dard ho bas aaTh pahar dil meñ ki jis ko
taḳhfīf davā se ho na taskīn duā se

rahe haiñ ghul-mil ke kaise donoñ ye ek haiñ dil ke kaise donoñ
chhuTā jo ham se kisī kā dāman to saath hai ashk-o-ātshīñ kā

tumhāre inkār ne chubho.e hamāre dil meñ hazāroñ nashtar
tum aise nāzuk ki naqsh ban kar rahā laboñ par nishāñ nahīñ kā

dil bache kyūñkar butoñ kī chashm-e-shoḳh-o-shañg se
apnā ghar to sūjhtā hai saikḌoñ farsañg se

ek bhī nikle na merī sī fuġhān-e-dil-ḳharāsh
garche ḳhuuñ Tapke gulū-e-murġh-e-ḳhush-āhañg se

ai taġhāful-kesh jaldī aa ki tū vāqif nahīñ
is dil-e-betāb o jān-e-muztarib ke Dhañg se

pahle ye nīyat vazū kī hai namāz-e-ishq meñ
dil se kah diije ki dhove haath naam o nañg se

dekhī jaatī hai mohabbat meñ har ik jumbish-e-dil
sirf sāñsoñ kī rehearsal nahīñ dekhī jaatī

dil-e-ġham-ghīñ kī kuchh mahvīyyateñ aisī bhī hotī haiñ
ki terī yaad kā aanā bhī aise meñ khaTaktā hai

yahī chāhte the ham bhī ki na rāz-e-dil ayaañ ho
magar apne āñsuoñ par hameñ iḳhtiyār kam hai

hamīñ nāshād nazar aate haiñ dil-shād haiñ sab
hamīñ is daur meñ barbād haiñ ābād haiñ sabab

shikva ab kyā hai tujhe kahte na the ham ai dil
jin ke talvār se abrū haiñ vo jallād haiñ sab

dil-lagī kis se karūñ 'bahr' ki jī chhūT gayā
mehr-pesha nahīñ koī sitam-ījād haiñ sab