Tags-Dil

paḌī hai dil ko mire ḳhud bhī ādat-e-fariyād
ye chheḌtā hai har ik ko ki phir satā.e koī

huā saaf dil to ye āvāz aa.ī
gayā 'shauq' ab rāstī se bhī aage

ġham-e-zindagī meñ sukūñ mil gayā hai
nikal aa.e dil kī lagī se bhī aage

ab dil ko samjhā.e kaun
baat agarche hai ma.aqūl

kuchh to pā.eñge us kī qurbatoñ kā ḳhamyāza
dil to ho chuke TukḌe ab saroñ kī baarī hai

tū ne gar kañghī jo kākul ko pakaḌ kar jhaTkā
dil paḌā phirtā hai sar mārtā bhūlā-bhaTkā

laḳht-e-dil aa sar-e-mizhgāñ pe laTakte haiñ paḌe
terī ulfat ne bhalā saañg dikhāyā naT kā

kyuuñ tirī chaal laTak dekh ke dil laTke haiñ
kuchh to ham ko bhī batā kis se ye sīkhā laTkā

naT-khaTī dekh tirī maiñ to achambhe meñ rahā
dil jhapaT haath se jhaT raag sunāyā khaTkā

dil-e-gum-gashta kī har ik se maiñ kartā huuñ talāsh
chor jo thā vahī āñkhoñ ko churā kar saTkā

dil ke gird hisār khiñchā to us kā milnā muhāl huā
chāroñ khūñT āvāra phire jab paañv bhī apne TuuT ga.e

shīsha-o-sañg ke khel ke saa.e meñ rahne vaale logo
ik ik kar ke dil meñ chubho lo jo jo shīshe TuuT ga.e

siine meñ chhup gayā hai tulū-e-sahar ke saath
ab shāḳh-e-dil pe vo gul-e-ruḳhsār dekhiye

pahle bhī tez-rau the par us dil-nashīñ ke saath
ye chashm-e-nam ye masti-e-raftār dekhiye

bhaḌke hai dil kī ātish tujh neh kī havā suuñ
sho.ala namat jalā dil tujh husn-e-sho.ala-zā suuñ

niklī hai jast kar kar har sañg-dil suuñ ātish
chaqmāq jab palak kī jhāḌā hai tuuñ adā suuñ

dilkashī thī unsiyat thī yā mohabbat yā junūn
sab marāhil tujh se jo mansūb the achchhe lage

us dil kī musībat kaun sune jo ġham ke muqābil aa jaa.e
kis ne ye kahā thā tinke se vo bijlī se Takrā jaa.e

āġhāz-e-mohabbat hai aur dil yuuñ haath se niklā jaatā hai
jaise kisī alhaḌ kā āñchal sarkā jaa.e Dhalkā jaa.e

guzre hue dilkash lamhoñ kī bhūlī huī yaad aisī aa.ī
jaise koī pītam pardesī sote meñ achānak aa jaa.e