Tags-Dil

vo aur hoñge nufūs be-dil jo kahkashā.eñ shumārte haiñ
ye raat hai puure chāñd kī ham tirī mohabbat hisārte haiñ

ek uljhan raat din paltī rahī dil meñ ki ham
kis nagar kī ḳhaak the kis dasht meñ Thahre rahe

ai dil-e-zār likho jānib-e-jānāñ kāġhaz
haal kā likhte haiñ fuqarā sū-e-sultāñ kāġhaz

nikal aayā hai jo bedād rāhoñ par dil-e-be-ḳhud
koī nāvak-fagan aa.e use naḳhchīr karnā hai

yaqīn-e-vāda nahīñ tāb-e-intizār nahīñ
kisī tarah bhī dil-e-zār ko qarār nahīñ

ḳhudā ne baḳhsh diye mere dil ko ġham itne
ki ab maiñ apne gunāhoñ pe sharmsār nahīñ

sharīk-e-soz haiñ parvāne sham.a ke 'aḳhtar'
hamāre dil kā magar koī ġham-gusār nahīñ

charāg-e-ilm raushan-dil hai terā
añdherā kar diyā hai raushnī ne

aañkh ke goshe ho kar nam ābād hue
dil kī bastī ke sab ġham ābād hue

dil ne terā naam liyā sarshārī meñ
sāñsoñ ke vīrān ridham ābād hue

thā dil bhī kabhī shahr-e-tamannā meñ mumāsil
ye qarya hamesha se bayābāñ to nahīñ thā

taḌap ke lauT ke aañsū bahā ke dekh liyā
lagī na dil kī tujhe dil lagā ke dekh liyā

kisī ne daad na dī kuchh fasāna-e-dil kī
unheñ bhī dard-e-mohabbat sunā ke dekh liyā

kahā thā maiñ ne ki dushvār dil kā lenā hai
vo bole duur se mujh ko dikhā ke dekh liyā

khilā ġhuncha na dil kā garche gulshan meñ bahār aa.ī
havā-e-mausam-e-gul bhī na us ko sāzgār aa.ī

shahr-e-dil ābād thā jab tak vo shahr-ārā rahā
jab vo shahr-ārā gayā phir shahr-e-dil meñ kyā rahā

kyā rahā phir shahr-e-dil meñ juz-hujūm-e-dard-o-ġham
thī jahāñ fauj-e-tarab vaañ lashkar-e-ġham aa rahā

ai nāvak-e-ġham dil meñ hai ik buuñd lahū kī
kuchh aur to kyā ham se mudārāt banegī

dil ke tiiñ ātish-e-hijrāñ se bachāyā na gayā
ghar jalā sāmne par ham se bujhāyā na gayā

dil meñ rah-e-dil meñ ki me.amār-e-qazā se ab tak
aisā matbū-e-makāñ koī banāyā na gayā