Tags-Dil

aa ki phir se chāñd par dilkash javānī aa ga.ī
aa ki phir se āj-kal añgḌā.iyoñ kā zor hai

aa ki kaliyoñ ke chaTaḳhne kā vo mausam aa gayā
aa ki dil meñ dhaḌkanoñ kā ik anokhā shor hai

dil kī ḳhalish to saath rahegī tamām umr
dariyā-e-ġham ke paar utar jaa.eñ ham to kyā

dil us ne kiyā chhalnī be-rahmī se pesh aayā
dushman pe bhī ham apne yuuñ vaar nahīñ karte

dekhā hai mohabbat meñ barbād hue kitne
ham dil ko bachāte hai bīmār nahīñ karte

tūfān koī aa.e is rāh-e-mohabbat meñ
is dil ko kabhī apne bezār nahīñ karte

ret kī dīvār ke saa.e meñ baiThā aadmī
aur saa.e par bharosa dil ke andar ret kā

dil kī taraf nigāh-e-taġhāful rahā kare
is ḳhāk-e-rāh ko bhī koī kīmiyā kare

bujhne lagī hai shaam ke āñgan meñ raushnī
ab mauj-e-ḳhūn-e-dil hī koī mo.ajiza kare

dil ke māroñ kā na kar ġham ki ye andoh-nasīb
zaḳhm bhī dil meñ na hotā to karāhe jaate

lazzat-e-dard se āsūda kahāñ dil vaale
haiñ faqat dard kī hasrat meñ karāhe jaate

tanhā.ī meñ dil kā sahārā ek havā kā jhoñkā thā
vo bhī gayā hai sū-e-bayābāñ us kā aanā mushkil hai

jaise jaise āgahī baḌhtī ga.ī vaise 'zahīr'
zehn o dil ik dūsre se munfasil hote ga.e

bikhar gayā hai to ab dil nigār-ḳhāna hai
ġhazab kā rañg us ik naqsh-e-e'tibār meñ thā

kuchh aise taur se chamkā hai dil kā dāġh-e-shikast
ki aaj tak nahīñ hasrat-kash-e-rafū bhī maiñ

maiñ aaj sāz-e-dil-o-jāñ pe gā.ūñ kaun sā giit
tumhāre paas bhī duniyā ke rū-ba-rū bhī maiñ

tabassum meñ bhī dil ġham kī jhalak pahchān letā hai
ye dard-o-ġham azal se rahne vaale haiñ isī ghar ke

dil mirā mudabbir hai band-o-bast-e-ālam kā
mas.ale kahīñ ke hoñ faisle yahīñ hoñge

rañg-o-nūr partav haiñ jin kī tāb-kārī ke
tīrgī ke vo jalve kitne dil-nashīñ hoñge

dam-ba-dam ek dīvār uThtī ga.ī ik chhurī merā siina khurachtī ga.ī
jaise jaise ghuTan shahar kī baḌh chalī maiñ ne dil meñ nayā ek dar kar liyā